Дорноговь аймгийн Замын-үүд суманд хүний санаанд багтамгүй жигшүүрт хэрэг гарчээ. Замын-үүд суманд “ Жим” зочид буудлыг ажиллуулдаг иргэн Ч гэгч нь өөрийн найз иргэн Ц тэй архи ууж, иргэн Ц нь найзынхаа төрсөн хүү ой 8 сартай бяцхан хүүг хүчирхийлсэн аймшигт хэрэг гарсан байна. Хэрэг гарах үед хүүгийн аав иргэн Ц тэй буудалдаа архидан согтуурч хэсэг гарсан хойгуур хүүг нь хүчирхийлсэн байжээ. Хүүгийн эцэг эх тусдаа амьдардаг хүү аав дээрээ хэд хоног очих үед ийм хэрэг болсон байна. Тус хэрэг 3 сарын 13 ны өдөр болсон ба хүүгийн ээж ийм хэрэг болсон талаар 3 сарын 19 ны өдөр мэдэж хүүг ааваас нь очиж авсан байна . Хүү ээжээрээ овоглодог гэтэл мөрдөн байцаагч ахмад Ариунзаяа болон хүүгийн аав нар ээжид нь болсон хэргийн талаар олон хоног мэдэгдээгүй нуусан байх юм. Ингэснээр хүү яаралтай эрүүл мэндийн тусламж авж чадаагүй бөгөөд прокурорын ажилтан энэ хэргийн талаар ээжид нь хэл хүргэж энэ сарын 19 ны өдөр хэргийн талаар мэдэж, хүүг ааваас нь авч 20 ны өглөө эмнэлэгт үзүүлсэн байна. Гэвч ГССҮТ цагдаагийн албан бичиггүйгээр хүүгийн биеийн байдлын талаар ар гэрийхэнд нь хэлэхгүй мөн Сэтгэцийн эрүүл мэндийн үндэсний төвд хандахад хавтаст хэрэг болон мөрдөн байцаагчийн тогтоолыг үзэж байж хүүг үзлэгт оруулж оншилно гэж хойрог ханджээ. Хүүгийн ээж ноцтой гэмт хэргийн хохирогч болсон хүүд яаралтай эмнэлэгийн тусламж үзүүлэх хэрэгэй байгаа талаар мөрдөн байцаагч Ариунзаяад хандахад энэ сарын 26 нд бага насны хүүхдийн бас нэг хэрэг байгаа учраас тэр хэрэгтэй хамт авж очно хэмээн хойшлуулсан байх юм. Энэ мэтчилэн бага насны хүүхдийг хүчирхийлэх ноцтой гэмт хэрэг жилээс жилд нэмэгдэж аймшигт хэргийн золиос болсоор л байна. Яаралтай ар гэрт нь мэдэгдээгүй, эрүүл мэндийн үзлэгт орход нь хойрог хандаж 26 нд гэж хойш тависан ахмад Ариунзаяа болон эрүүл мэндийн байгууллагуудад хариуцлага тооцох нь зүйтэй болов уу. Хэмээн бусад эх сурвалжууд мэдээлэв.
Эх сурвалж Шуурхай.мн
