Усанд сэлэх нь биеийн галбирыг засаж, зүрхний булчингийн үйл ажиллагаа, хүчилтөрөгчийг булчингуудад тарааж цусны эргэлтийн системийг сайжруулж идэвхтэй үйл ажиллагаа хийхэд тустай байдаг. Усанд байнга сэлснээр бодисын солилцоог сайжруулаад зогсохгүй биеийн тамирын зааланд хийх өдөр тутмын дасгалын энгийн хувилбар болоод байна. Олимпоос шилдэг тамирчид шалгарсан ч тив, дэлхийн тэмцээнээс олон медаль хүртсэн тамирчдыг танилцуулж байна.
Майкл Фелпс
Америкийн усанд сэлэлтийн тамирчин, олимпийн наадамд 23 удаа түрүүлж байсан. Тэрбээр долоон настайгаасаа эгчийгээ дагаж усанд сэлж эхэлсэн. 10 настайдаа улсынхаа амжилтыг эзэмшиж эхэлсэн бөгөөд дасгалжуулагч Боб Боументай хамт бэлтгэл хийж эхэлжээ. Фелпс өөрийн насны ангилалд улам их амжилт гаргаж, 15 настайдаа 2000 оны олимпод оролцсон. 15 настайдаа буюу 2001 оны гуравдугаар сарын 30-нд усан спортын ДАШТ-д эрвээхэй 200 метрт дэлхийн дээд амжилтыг эвдсэн хамгийн залуу тамирчин болсон.
Марк Спиц
Унгар гаралтай тэрбээр АНУ-ын усан сэлэлтийн тамирчин. 10 настайдаа өсвөрийн ангилалд анхны амжилтаа тогтоож, улсынхаа 17 дээд амжилтыг тогтоож байжээ. Түүнийг 14 настай байхад гэр бүл нь Санта Клара руу нүүсэн. Залуу туршлагатай усанд сэлэгчийг АНУ-ын олимпийн багийн дасгалжуулагч Жорж Хайнс өөрийн удирдлага дор бэлтгэн, хоёр жилийн дараа Америкийн Атлетикийн холбооны аварга шалгаруулах тэмцээнд 100 метрийн эрвээхэйд түрүүлсэн. Үүний дараа 400 метрийн чөлөөт сэлэлтээр дэлхийн дээд амжилт тогтоож, олон улсын тавцанд гарч есөн удаагийн олимпийн аварга болсон. Тэрбээр нэг олимпоос долоон алтан медаль хүртэж байсан нэгэн.
Райан Лохте
Америкийн тамирчин. Чөлөөт, нуруугаар сэлэлт, эрвээхэй, нарийн төвөгтэй усан сэлэлтээр мэргэшсэн нэгэн. ДАШТ-д 39 алтан медаль хүртсэний 18 нь 50 метр, 21 нь богино буюу 50 метрийн усан бассейнд байсан юм. Мөн 12 ДАШТ-д дараалан медаль хүртсэн бөгөөд олимпийн наадмаас зургаан алт, гурван мөнгө авч байсан юм.
Мэтт Бионди
Тэрбээр чөлөөт сэлэлтийн тамирчин. 1985 оны наймдугаар сараас хойш есөн жилийн турш 100 метрийн амжилтыг эзэмшиж чадсан нэгэн юм. Мөн энэ зайгаа 49 секунд хүрэхгүй хугацаанд сэлж чадсан анхны сэлэгч. Түүний хувьд замналынхаа турш олимпод найм, дэлхийн аваргад зургаан удаа, seventeenfold АНУ-ын аварга, Номхон далайн наадмын 13 удаагийн аварга юм. "Урт усан" дэлхийн аварга шалгаруулах тэмцээнд тэрбээр 1986 онд Мадрид, 1991 онд Перт хотод хоёр удаа оролцсон ч 11 медаль хүртсний зургаа нь алт байсан юм. 1985 оны зуны Универсиад, 1990 оны сайн санааны наадамд дөрвөн алт, нэг мөнгө хүртсэн. Хоёр удаа дэлхийн шилдэг сэлэгчээр шалгарсан. Сөүлийн олимпийн дараа усан сэлэлтээс зодог тайлж, усан бөмбөгөөр хичээллэж эхэлсэн.
Д.Дарамбазар
Эх сурвалж: "Зууны мэдээ" сонин
