Дэлхийн олон оронд зохиогдсон дуу хөгжмийн хамгийн алдартай шоу болох “The Voice” нь манай улсад ч амжилттай хэрэгжин цоо шинэ дуу хоолойг төрүүлсээр байгаа юм. Түүний нэг нь Ононбат дасгалжуулагчийн багийн дуучин Эрмүүн юм. Өөрийн өвөрмөц дүр төрх, чадалтай хоолойгоороо олны анхаарлыг татсан залуу дуучин өчигдөр цоо шинэхэн уран бүтээлээ өлгийдөн авчээ.

Түүний шинэ дууны нэр нь Superficial бөгөөд клипний утга агуулгаа өөрөө ийнхүү тайлбарлажээ. “Хайр яг л шунал шиг. Чиний асар их хайрласан хайр чамайг өөрчилсөн хамгийн муу шалтгаан ч байж болно. Гол нь хайр заримдаа өвтгөнө, шаналгана, өөрчилнө, түүнийг үзэн ядна, донтуулна бас залхаана. Гэвч бид зогсолтгүй хайранд шунасаар л байдаг” гэжээ.