Самбо бөхийн насанд хүрэгчдийн ДАШТ Узбекистан улсын Ташкент хотод үргэлжилж байна. Манай улсаас 14 тамирчин оролцож буй тус тэмцээнээс одоогоор хэн, хэн медаль хүртээд буйг бид цаг тухайд нь мэдээлсээр байгаа.
Эрэгтэйчүүдийн +98 кг-д барилдсан Намсрайжавын Батсуурь хүрэл медаль хүртлээ. Увс аймгийн Ховд сумын харьяат, үндэсний бөхийн улсын аварга цолтой тэрбээр сорил тэмцээнд түрүүлж, ДАШТ-д барилдах эрх авсан юм.
Н.Батсуурь аварга үндэсний бөхөөр хүч сорихын хажуугаар их спортоор хичээллэдэг. Самбо, жүдо зэрэг бөхийн цөөнгүй төрлөөр барилдан, амжилт гаргаж яваа хүчтэн юм.