“Оюу толгой ордын ашиглалтад Монгол Улсын эрх ашгийг хангуулах тухай” УИХ-ын 2019 оны 11 дүгээр сарын 21-ний 92 дугаар тогтоолыг хэрэгжүүлэх ажлыг удирдан зохион байгуулах үүрэгтэй дээрх ажлын хэсэг ажиллаж байгаа.
ЗГХЭГ-ын дарга Ц.Нямдоржоос Оюутолгойн хэлэлцээрийн асуудлаар тодрууллаа.
Тэрбээр "Рио Тинто-н асуудалд манай талд саналаа тавиад, нөгөө талд саналаа тавиад явж байгаа. Нөгөө тал санал тавихдаа хуучныг бодвол байр суурь нэлээн зөөлөрсөн байдалтай тийм саналууд тавьж байгаа. Тэгээд энийг хоёр талаасаа эцэслээд ширээний хойно суугаад яг нэг, хоёр, гурав дөрөв, тав гээд ийм асуудлаар ингэж тохирлоо гээд л нэг баримт бичигт гарын үсэг зурж эцэслэх байх. Одоогийн байдлаар яг эцэслэгдсэн яриа хэлэлцээр явагдаагүй. Сая Рио Тинто-н захирал ирээд Ерөнхий сайд болон холбогдох хүмүүстэй уулзаад явсан. Манай талын байр суурь Х.Нямбаатар ажлын хэсгийг нь ахлаад явж байгаа. Нэлээн тодорхой саналууд тавьж байгаа. Нөгөө тал ч гэсэн тодорхой саналууд тавьж байгаа. Тэгж явж байгаад нэг аль аль талынхаа а тохиролцоонд нийцсэн хувилбарт хүрэх байх гэж бодож байна. Засгийн газрын зүгээс ажлын хэсгийг ажиллах бололцоог нь байнга хангаж өгч байгаа. Хуулийн зөвлөх үйлчилгээ, санхүүгийн зөвлөх үйлчилгээг нэмж авах шийдвэрүүдийг нь гаргаж өгсөн. Энэ төсөл цаашаа явдгаараа явах байх." гэв.
