МАН-ын 30 дахь Их хурлаа хоёр өдрийн турш "Улаанбаатар палас"-т зохион байгуулсан.Хурлаар Ерөнхий сайд Л.Оюун-Эрдэнийг намын 30 дахь даргаар сонгож, баталгаажуулсан төдийгүй дотоод дүрэмдээ өөрчлөлт оруулж, баталсан юм. Түүнчлэн Их хурлаас долоон тогтоолыг баталж, Бага хурлынхаа гишүүдийг болон хэлэлцэх асуудлаа товлосон.
Тэгвэл өнөөдөр /2021.12.08/ МАН-ын 30 дахь Их хурлын Бага хурлын анхдугаар хуралдаан болж байна. Хуралдааны баримт бичиг боловсруулах редакц хийх тооллогын комиссыг 15 хүний бүрэлдэхүүнтэйгээр байгуулжээ.
МАН-ын дарга, Монгол Улсын Ерөнхий сайд Л.Оюун-Эрдэнийн зүгээс Д.Амарбаясгаланг Ерөнхий нарийн бичгийн даргад дахин нэр дэвшүүлсэн. Ингэснээр Бага хурлын гишүүдийн 100 хувийн саналаар Д.Амарбаясгаланг МАН-ын Ерөнхий нарийн бичгийн даргаар дөрөв дэх удаагаа сонголоо.
