Монгол Улсын гавьяат тамирчин, сонирхогчдын боксын олимп, дэлхийн мөнгөн медальт, мэргэжлийн боксын IBO холбооны 57,2 кг жингийн дэлхийн аварга болж байсан, "King Tug" хочит Н.Төгсцогт ирэх оны нэгдүгээр сарын 22-нд ээлжит тулаанаа хийнэ.
Тэрбээр өдгөө 14 тулаан хийхдээ 12 ялж (9КО) , хоёр ялагдсан амжилттай яваа билээ.
Түүний энэ удаагийн өрсөлдөгч нь АНУ-ын боксчин, энэ жил 29 настай Виктор "Vicious" Пасильяс аж. Арван жилийн өмнөөс мэргэжлийн бокст хүч сорьдог болсон агаад иийт 17 тулаан хийхдээ 16 ялж (9 КО), нэг ялагдсан амжилттай гэнэ.
Одоогоор тэдний тулаан болох хот, ордны нэр хараахан тодорхой болоогүй байгаа аж.
