fbpx Амласандаа хүрдэг “Алтан охин“
 
Энэ мэдээ хуучирсан буюу 2021/12/23-нд нийтлэгдсэн мэдээ болно.
Ангилал
Нийгэм Entertainment
Огноо
Унших
4 минут 55 секунд

Амласандаа хүрдэг “Алтан охин“

Бид хэдхэн хоногийн өмнө хүндийн өргөлтийн ДАШТ-ий анхны алтан медальтнаа хүлээж авсан. Энэ нь зөвхөн хүндийн өргөлтийн холбоо төдийгүй Монголын спортын түүхэнд алтан үсгээр тэмдэглэх үйл явдал байв. Тэр бол амласандаа хүрч, анхдагч бүхний эзэн болж яваа Монгол Улсын гавьяат тамирчин М.Анхцэцэгийн амжилт билээ. Энэ удаад бид түүний тухай онцлох болно.

МОНГОЛЫН СУПЕР ОХИН

Дэлхий биднийг бөхөөр л мэддэг үе саяхан. Олимп, тив, дэлхийн наадамд бид хэдэн бөхчүүдийнхээ захыг мушгиж, найдвар тавьдаг байлаа. Харин 2017 оноос эхлээд бидний төсөөлөө ч үгүй хүндийн өргөлтөөр нэгэн охин дэлхийд өрсөлдөөд эхлэв.Тэр жижигхэн биедээ баймгүй хүчтэй. Хамгийн гайхалтай нь биеийн хүчнээс илүү сэтгэлийн тэнхээтэй охин байж. Анхдагч бүхний эзэн, “Алтан охин”, Монголын супер охин Мөнхжанцангийн Анхцэцэг.

Хүмүүс түүнийг ингэж нэрлэдэг, хүндэлдэг, хайрладаг. Тэрбээр амьдралынхаа хуудсыг амжилтаар бичиж, дэлхийн спортын түүхэнд нэрээ мөнхөлж явна. Цаашдаа олон жил монголчуудаа баярлуулж, олимпийн тэнгэрт төрийн далбаагаа мандуулж, зүрхэн тушаа гараа тавьчихаад төрийнхөө дууллыг дуулж зогсоно доо гэж итгэл тавин хүлээж байгаа билээ.

Түүний амжилт 2009 оноос эхэлжээ. Энэ онд тэрбээр Ерөнхийлөгчийн нэрэмжит цомын тэмцээнээс хүрэл медаль хүртэж, анхны амжилтаа гаргаж байв. Үүнээсээ урамшсан охин уйгагүй хөдөлмөрлөснийхөө хүчинд 2010 онд Спортын мастер, 2011 онд 13-хан насандаа ОУХМ-ийн болзол хангасан билээ. Энэ үеэс л их спортод хоёргүй сэтгэлээр зүтгэх зорилгыг өөртөө тавьсан гэдэг.

сонин mn

АНХНЫ ХҮРЭЛ МЕДАЛИЙН ЭЗЭН

Жил бүрийн арванхоёрдугаар сарын 3-ныг “Хүндийн өргөлтийн спортын баяр” болгон тэмдэглэхээр болсон. Учир нь 2017 оны энэ өдөр М.Анхцэцэг ДАШТ-ээс хүрэл медаль хүртсэн юм. Энэ нь Монголын туйванчдын хувьд хамгийн оргил амжилт болж байв. Тэгвэл 2019 онд амжилтаа бататгаж, дахин хүрэл медалийн болзол хангаж медалиа ихэрлүүлсэн түүхтэй. Үүнээс гадна тэрбээр 2014 онд Өсвөрийн Азийн АШТ-ээс мөнгөн медаль, тус оны Залуучуудын Азийн АШТ-ээс хүрэл медаль хүртсэн юм. Харин 2015 онд “Дэлхийн Цом”-оос хүрэл медаль, 2016 онд Залуучуудын ДАШТ-ээс алтан медаль хүртэж байв. Энэ онд түүний гол зорилго нь олимпийн наадам байсан юм. М.Анхцэцэг зорьсондоо хүрч, Риогийн олимпод наймдугаар байрт шалгарсан юм. Үүнээс харахад бүхий л цаг үед түүний амжилт ахисаар яваа.

БАГШДАА ИРСЭН БУРХНЫ БЭЛЭГ

сонин mn

М.Анхцэцэг 2012 оноос хойш гавьяат дасгалжуулагч Ц.Хосбаярын удирдлага дор хичээллэж байна. Багш нь түүнийг “Бурхнаас илгээсэн бэлэг” гэж нандигнадаг билээ. Багш, шавь хоёрт дөрвөн орноос иргэншлээ солих санал ирж байв.

Гэвч тэрбээр “Би мөнгөний төлөө штанг өргөдөггүй. Тэргүүн дээр минь Монголын далбаа байдаг учир энэ их хүч миний дотроос гардаг юм” гэж хэлээд их мөнгөний урамшууллаас татгалзаж байсан эх оронч үзэлтэй.

М.Анхцэцэг айлын том охин. Анх аав, ээж нь энэ спортоор хичээллэхийг нь хориглож байсан гэдэг. Гэвч охиныхоо хүсэл мөрөөдөл, зорилгынх нь өмнө бууж өгөхөөс өөр сонголтгүй болжээ. Тэрбээр хоёр эмэгтэй дүүтэй бөгөөд хоёул эгчийнхээ адил хүндийн өргөлтөөр хичээллэдэг юм байна. 2021 он Анхцэцэгийн хувьд нэгэн шинэ түүхийг бичсэн жил боллоо. Түүний туйлын зорилго болсон олимпийн наадам Токиод болсон. Монголчууд зүрх даран супер охиныхоо өргөлтийг харахаар хоног тоолон хүлээж байсан юм. Цаг нь ирэхэд тэрбээр шагналт дөрөвдүгээр байрт шалгарсан. Хүрэл медалиас атгаад алдахдаа уйлж зогссон охин “Би заавал ДАШТ-ээс алтан медаль авна” гэж нулимсаа арчин амласан билээ. Тэр амлалтандаа хүрсэн.

Ч.Гантулга

Эх сурвалж: "Зууны мэдээ" сонин

Монгол Улсын Ерөнхийлөгчийн цомын төлөөх барилдаан болно
Монгол Улсын Ерөнхийлөгчийн цомын төлөөх барилдаан болно
 
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
Энэ мэдээ хуучирсан буюу 2021/12/23-нд нийтлэгдсэн мэдээ болно.

Шинэ мэдээ

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй

Т.Ариунзаяа дэлхийн аварга боллоо

Т.Ариунзаяа дэлхийн аварга боллоо

УИХ-ын дарга С.Бямбацогт: Парламентад суудалтай намуудын дарга нарыг оролцуулсан ойлголцол, зөвшилцлийн Зөвлөлийг байгуулж ажиллана

УИХ-ын дарга С.Бямбацогт: Парламентад суудалтай намуудын дарга нарыг оролцуулсан ойлголцол, зөвшилцлийн Зөвлөлийг байгуулж ажиллана

“Эмээгийн алдар” одонтой болъё

“Эмээгийн алдар” одонтой болъё

УИХ-ыг тарааж, УИХ-ын ээлжит бус сонгуулийг Ерөнхийлөгчийн сонгуультай хамт явуулъя

УИХ-ыг тарааж, УИХ-ын ээлжит бус сонгуулийг Ерөнхийлөгчийн сонгуультай хамт явуулъя

Евсиков элчин сайдын яриа үнэн үү?

Евсиков элчин сайдын яриа үнэн үү?

Д.Амарбаясгалан намаа бодож, эв нэгдэл, ойлголцлын талд зогсож байна

Д.Амарбаясгалан намаа бодож, эв нэгдэл, ойлголцлын талд зогсож байна

OTP банк Монголын арилжааны банкинд бяцхан хөрөнгө оруулахгүй, худалдаж авна

OTP банк Монголын арилжааны банкинд бяцхан хөрөнгө оруулахгүй, худалдаж авна

Г.Нарангэрэл:Богд банк 1.3 тэрбум төгрөгөөр байр давхардуулан зарж үйлчлүүлэгчээ залилсан

Г.Нарангэрэл:Богд банк 1.3 тэрбум төгрөгөөр байр давхардуулан зарж үйлчлүүлэгчээ залилсан

“Андын зам”, “Бриллиант”-ын хохирогчдыг орон сууцтай болгоно

“Андын зам”, “Бриллиант”-ын хохирогчдыг орон сууцтай болгоно

ТӨРИЙН СҮҮДЭРТ ХАЛХЛАГДСАН ЭРХ ЧӨЛӨӨ

ТӨРИЙН СҮҮДЭРТ ХАЛХЛАГДСАН ЭРХ ЧӨЛӨӨ

Ерөнхийлөгч У.Хүрэлсүх үүрэг өгч, Ерөнхий сайд орон нутагт ажиллав

Ерөнхийлөгч У.Хүрэлсүх үүрэг өгч, Ерөнхий сайд орон нутагт ажиллав

Б.Амгалан: Төлбөрийн хүндрэлд орсон иргэдийн хэрэглээний зээлийг 48 сар хүртэлх хугацаагаар бүтцийн өөрчлөлт хийх боломжтой боллоо

Б.Амгалан: Төлбөрийн хүндрэлд орсон иргэдийн хэрэглээний зээлийг 48 сар хүртэлх хугацаагаар бүтцийн өөрчлөлт хийх боломжтой боллоо

ТЭНГЭР, ГАЗАР НИЙЛСЭН ХОТ

ТЭНГЭР, ГАЗАР НИЙЛСЭН ХОТ

Observador: Роналду үдэлтийн тоглолтоос татгалзжээ

Observador: Роналду үдэлтийн тоглолтоос татгалзжээ

Трампыг ямар сорилтууд хүлээж байна вэ?

Трампыг ямар сорилтууд хүлээж байна вэ?

Ираны дайн Хятадын эрчим хүчний аюулгүй байдал, сөрөн тэсвэрлэх чадавхын бэлэн байдлыг харуулав

Ираны дайн Хятадын эрчим хүчний аюулгүй байдал, сөрөн тэсвэрлэх чадавхын бэлэн байдлыг харуулав

А.Н.Евсиков: Оросын санал болгож буй таатай нөхцөл, үнийн саналыг монголчууд өөр хаанаас ч олохгүй гэдгийг шударгаар хүлээн зөвшөөрөх хэрэгтэй болов уу

А.Н.Евсиков: Оросын санал болгож буй таатай нөхцөл, үнийн саналыг монголчууд өөр хаанаас ч олохгүй гэдгийг шударгаар хүлээн зөвшөөрөх хэрэгтэй болов уу

Д.Баярхүү: Саудын Араб: Мэхт мэхэндээ болоход тун дөхлөө

Д.Баярхүү: Саудын Араб: Мэхт мэхэндээ болоход тун дөхлөө

Бэйс Н.Дугаржавын намтрыг нэхэн хөөхүй

Бэйс Н.Дугаржавын намтрыг нэхэн хөөхүй

“Туулын хурдны зам” төсөл Арбитраар шүүгдэхгүй, трассаа үргэлжлүүлж 500 тэрбумын өртгөөрөө хийгдэхээр болжээ

“Туулын хурдны зам” төсөл Арбитраар шүүгдэхгүй, трассаа үргэлжлүүлж 500 тэрбумын өртгөөрөө хийгдэхээр болжээ

“Дутуу алсан могой”...

“Дутуу алсан могой”...

“Miss International”-д эх орноо төлөөлж буй Ш.Хүслэн

“Miss International”-д эх орноо төлөөлж буй Ш.Хүслэн

Донбассыг Орост өгч яасан ч болохгүй!

Донбассыг Орост өгч яасан ч болохгүй!

Оюу толгойн ногдол ашгийг Ц.Даваасүрэнгийн “Бяслагны үйлдвэр” шиг төслүүдэд үрж байснаас иргэддээ шууд тараасан нь илүү өгөөжтэй дөө

Оюу толгойн ногдол ашгийг Ц.Даваасүрэнгийн “Бяслагны үйлдвэр” шиг төслүүдэд үрж байснаас иргэддээ шууд тараасан нь илүү өгөөжтэй дөө

Цахим намагт шигдсэн монголчууд

Цахим намагт шигдсэн монголчууд

У.Хүрэлсүх: Байгалийн баялгийнхаа эхний хишгийг иргэдийн дансанд шилжүүлэх нь чухал

У.Хүрэлсүх: Байгалийн баялгийнхаа эхний хишгийг иргэдийн дансанд шилжүүлэх нь чухал

Баривчлах, цагдан хорих арга хэмжээ авахад хүний эрхийг хангах чиглэлээр хуульд өөрчлөлт оруулна

Баривчлах, цагдан хорих арга хэмжээ авахад хүний эрхийг хангах чиглэлээр хуульд өөрчлөлт оруулна

Ерөнхий сайд Н.Учрал дулаан гараашийг татвараас чөлөөлөх холбогдох хуулийг шинэчлэн боловрлуулахыг үүрэг болгов

Ерөнхий сайд Н.Учрал дулаан гараашийг татвараас чөлөөлөх холбогдох хуулийг шинэчлэн боловрлуулахыг үүрэг болгов

Ерөнхийлөгч Дархан-Уул аймгийн иргэдтэй уулзлаа

Ерөнхийлөгч Дархан-Уул аймгийн иргэдтэй уулзлаа

 
 
 



​​​​​​​

Эхлэл · Бидний тухай · Редакцийн бодлого · Холбоо барих
​​​​​​​© 2011 - 2023 Бүх эрх хуулиар хамгаалагдсан Шуурхай.мн

​​​​​​​