ВАШИНГТОН. /TASS/. ОХУ-ын төрийн тэргүүн Владимир Путин, АНУ-ын Ерөнхийлөгч Жо Байден нар пүрэв гарагт буюу өнөөдөр утсаар ярина.
Цагаан ордны Үндэсний аюулгүй байдлын зөвлөлийн төлөөлөгч Эмили Хорн лхагва гарагт мэдээлэхдээ, Ж.Байден В.Путинтэй ярих үеэрээ "хоёр улсын дипломат хамтын ажиллагаа зэрэг хэд хэдэн асуудлыг хэлэлцэхээр төлөвлөж байна” гэжээ. Утсаар ярих санаачилгыг Оросын удирдагч гаргасан гэж тэрбээр CNN телевизэд мэдээлжээ.
ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков хоёр улсын удирдагчид пүрэв гаргийн орой утсаар ярихаар төлөвлөж байгааг нотолжээ. Москвагийн цагаар 23.30 цагт товлогдсон гэж CNN мэдээлсэн байна.
Энэ нь В.Путин, Ж. Байден нарын энэ сард хийсэн хоёр дахь хэлэлцээ болно. Тэд 12 дугаар сарын 7-ны өдөр цахим дээд хэмжээний уулзалт хийж, хоёр цаг үргэлжилсэн юм. Уулзалтын зонхилох сэдэв нь Украины эргэн тойрон дахь нөхцөл байдал байсан бөгөөд удирдагчид мөн хоёр талын харилцаа, кибер аюулгүй байдал, Ираны цөмийн гэрээний талаар хэлэлцсэн билээ.
Д.Жаргал
Эх сурвалж: "Монцамэ" агентлаг
.png&w=80&h=80 "Их Британид “Лхагва гаргийн ажил хаялт”-д багш, төрийн албан хаагчид нэгджээ")
.jpg&w=80&h=80 "Л.Энх-Амгалан: Гуравдугаар ангиас англи хэл, нэгдүгээр ангиас мэдээллийн технологийн хичээлийг оруулдаг болно")
.jpg&w=80&h=80 "Х.Нямбаатар: Ерөнхийлөгчийн хоригийг хүлээж авахгүй гэж кноп дарна")
.jpg&w=80&h=80 "Жорж Ченийг ажлаас нь халж өгөөч гэдэг албан бичгийг Мета компани руу ирэх Даваа гарагт явуулна")
.jpg&w=300&h=200 "Х.Нямбаатар: Ерөнхийлөгчийн хоригийг хүлээж авахгүй гэж кноп дарна")