Гадаадад зорчсон монгол хоёр иргэнээс омикрон илэрсэн гэсэн мэдээлэл цахим сүлжээнд гарсан. Энэхүү мэдээлэл ташаа болохыг ЭМЯ-наас мэдэгдлээ.
Уг мэдэгдэлд, “Олон улсын эрүүл мэндийн дүрмийн дагуу Монгол Улсаас гадаад улсад зорчсон иргэдээс “КОВИД-19” эерэг илэрвэл ХӨСҮТ рүү мэдээлдэг. 2021 оны 12 дугаар сарын 20-нд хамгийн сүүлд гадаадад зорчсон Монгол иргэн эерэг гарсан мэдээлэл ирсэн. Тэрхүү иргэнд ямар хувилбар илэрсэн талаарх генийн дараалал тогтоох шинжилгээ хийж байгааг мэдээлсэн байна. Монгол хоёр иргэн гадаадад зорчиж тэднээс омикрон илэрсэн гэсэн мэдээлэл ташаа болохыг үүгээр хүргэж байна” хэмээжээ.