УИХ-ын гишүүн Л.Энхболд Авлигатай тэмцэх газарт “Таван толгой” ХК-ийг шалгуулахаар хандсан байна. Тэрбээр "Таван толгой" ХК нь Монгол Улсын Ашигт малтмалын тухай хууль болон бусад хууль тогтоомжуудыг ноцтойгоор зөрчин "Эрдэнэс Тавантолгой" ХК-ийн ашиглалтын MV-011943 тоот лицензтэй талбайд хөрс хуулалтын үйл ажиллагаа явуулж, 268.3 мянган тонн нүүрс олборлон 20,0 орчим сая ам.долларын хохирол учруулсан талаар албаны болон бусад эх сурвалжаас сонсож, мэдээлэл авч байсан.
Энэ асуудал олон нийтийн хэвлэл мэдээллийн хэрэгслээр удаа дараа цацагдсан боловч үнэн мөнийг нь хууль хяналтын байгууллага шалгаж тогтоогоогүй байна... Иймд хууль бусаар нүүрс олборлож учруулсан хохирлын хэмжээг тогтоох, буруутай удирдлагуудад хариуцлага хүлээлгэх, “Хуалан Тань Жин" гэдэг хятад компанид мөргөцгийг бүтэн сарын турш олборлох эрх олгосон эсэхийг шалгаж тогтоож өгнө үү" гэжээ.
