Улаанбаатар /МОНЦАМЭ/. Монгол Улсын гавьяат тамирчин Б.Гангаамаа, ОУХМ П.Эрдэнэтогтох, спортын мастер Ч.Зул нар далайн түвшнээс дээш 4374 км өндөрт орших Монголын хамгийн өндөрт тооцогддог Алтай таван богдын Хүйтний оргилд амжилттай гарчээ.
Уулчин бүхний тэсвэр тэвчээр, ур чадвар, хатуужлыг шалгадаг өндөр хайрханы нэгд зүй ёсоор ордог Хүйтний оргилд Монголын гурван эмэгтэй уулчин өвлийн цагаар авиралт хийж өвлийн цагаар ийнхүү “Анх удаа эмэгтэй уулчид” гарсан амжилтыг тогтоосон байна.
Тэд нийт 11 хоног авирахдаа өглөөдөө шар тостой гурил, өдөртөө талх, оройдоо аяга шөл ууж явсан бөгөөд 60 гаруй км замыг чарга чирээд алхаж туулсан байна. Тэд замдаа хацраа хайрах зэргээр багагүй бэрхшээлийг давж гарсан бөгөөд энэ авиралтынхаа талаар тэд баримтат кино хийхээр төлөвлөжээ.
Д.Өлзийсайхан
Эх сурвалж: Монцамэ агентлаг
