Өмнөд Солонгосын хит цуврал “Squid Game”-д дүр бүтээсэн Жүн Хо Ён хувцас загварын алдарт Vogue сэтгүүлийн нүүрэнд хөргөө гаргасан зүүн Азийн анхны модель болжээ.
Үүнээс өмнө тус сэтгүүлийн 130 жилийн түүхэнд зүүн Азийн бүс нутгаас гаралтай ганц ч хүн нүүр хуудсанд нь заларч байгаагүй юм.
2021 оны намар Netflix платформд нээлтээ хийсэн “Squid Game” цувралд Жүн Хо Ён анх удаа жүжигчний гараагаа эхэлж байв.
Тэрбээр уг цувралд Умард Солонгосын дүрвэгч, 067 дугаартай тоглогч Кан Сэ Бёкын дүрийг бүтээсэн юм.
Жүжигчин бүсгүй өнгөрсөн оны сүүлээр “Squid Game” цувралын сурталчилгааны ажилд оролцохоор АНУ-д ирээд байгаа.
Өнгөрсөн хугацаанд тэр LACMA Gala, CFDA Fashion Awards, Gotham Awards зэрэг урлаг соёлын хэд хэдэн арга хэмжээнд оролцжээ.
Эх сурвалж: Korea Times
