fbpx Дэлхийн томоохон компаниудын удирдлагууд энэ онд эдийн засаг сайжирна гэж үзэж байна
 
Энэ мэдээ хуучирсан буюу 2022/01/17-нд нийтлэгдсэн мэдээ болно.
Ангилал
Дэлхий дахинд
Огноо
Унших
2 минут 17 секунд

Дэлхийн томоохон компаниудын удирдлагууд энэ онд эдийн засаг сайжирна гэж үзэж байна

МОСКВА. /TASS/. Дэлхийн томоохон компаниудын тэргүүн нарын 75 гаруй хувь нь 2022 онд дэлхийн эдийн засгийн төлөв байдал сайжирна гэж үзэж байна. Энэ нь сүүлийн 10 жилийн хамгийн өөдрөг таамаг юм гэж “PwC” зөвлөх компанийн явуулсан судалгаанд дурджээ.

"Судалгаанд хамрагдсан удирдах албан тушаалтнууд ирэх онд эдийн засаг бэхжих хэтийн төлөвийн талаар сүүлийн 10 жилийн хамгийн өөдрөг таамгийг дэвшүүлж байна. Дэлхийн томоохон компаниудын удирдлагуудын дөрөвний гурваас илүү нь (77 хувь) дэлхийн эдийн засгийн байдал сайжирна гэж таамаглаж байгаа бол ердөө 15 хувь нь улам дордоно гэж үзэж байна" гэж тус компани онцолсон байна.

Хамгийн өөдрөг таамгийг Энэтхэгт дэвшүүлсэн бөгөөд тус улсад санал асуулгад оролцсон компаниудын удирдлагуудын 94 хувь нь 2022 онд дэлхийн эдийн засаг өснө гэж үзжээ. Түүнчлэн Итали (89 хувь), Франц (85 хувь), Япон (83 хувь) болон Их Британийн компаниудын удирдах албан тушаалтнууд (82 хувь) эерэг динамик ажиглагдана гэж үзэж байна.

Зарим оронд өөдрөг таамаг өнгөрсөн оны судалгаатай харьцуулахад буурчээ. Тухайлбал, АНУ-д ажил олгогчдын 70 хувь нь (өнгөрсөн онд 88 хувь), Бразилд 77 хувь нь (85 хувь), Германд 76 хувь нь (80 хувь) Хятадад 62 хувь нь (71 хувь) энэ онд эдийн засаг сэргэнэ гэж таамаглаж байна.

Дэлхийн томоохон компаниудын удирдлагуудын 43 хувь нь эдийн засаг сэргэхэд инфляц болон ДНБ-ий хэлбэлзэл нөлөөлж болзошгүй гэж санаа зовж байгаа аж.

“PwC” судалгаагаа 2021 оны 10, 11 дүгээр сард явуулсан байна. Судалгаанд 89 орны томоохон компаниудын 4446 удирдах албан тушаалтан оролцжээ.

Д.Жаргал

Эх сурвалж: Монцамэ агентлаг

Шөнийн цахилгаан тарифыг 100 хувь хөнгөлснөөр 7.3 тэрбум төгрөгийн өр хуримтлагджээ
Шөнийн цахилгаан тарифыг 100 хувь хөнгөлснөөр 7.3 тэрбум төгрөгийн өр хуримтлагджээ
 
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Энэ мэдээ хуучирсан буюу 2022/01/17-нд нийтлэгдсэн мэдээ болно.

Шинэ мэдээ