fbpx Казахстан даяар онц байдлыг цуцалжээ
 
Энэ мэдээ хуучирсан буюу 2022/01/19-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 21 секунд

Казахстан даяар онц байдлыг цуцалжээ

НУР-СУЛТАН. /RT/. Бүгд найрамдах Казахстан Улсад үймээн самуун дэгдсэний дараа Ерөнхийлөгч Касым-Жомарт Токаевын зарласан онц байдлын дэглэмийн үйлчлэх хугацаа нэгдүгээр сарын 19-ний шөнө дунд дуусгавар болжээ.

Казахстаны Ерөнхийлөгч Касым-Жомарт Токаев нэгдүгээр сарын 5-нд онц байдал зарласан билээ. Эхлээд Мангистау муж, Алматы хотод, дараа нь бүгд найрамдах улс даяар онц байдал зарласан юм

Казахстанд онц байдлын дэглэмийн үеэр 23.00-07.00 цаг хүртэл хөл хорио тогтоож, бүс нутгуудад нийтийн хэв журам, ялангуяа чухал объектуудын хамгаалалтыг чангатгасан. Эрх баригчид хөдөлгөөнийг хязгаарлаж, хүчнийхэнд баримт бичгийг шалгах, хүн, автомашиныг нэгжих эрх олгожээ. Онцгой байдлын бүсэд зэвсэг, сум худалдаалахыг хориглож, эм, мансууруулах болон сэтгэцэд нөлөөт бодис, согтууруулах ундааны эргэлтэд онцгой дэглэм тогтоосон байна.

Нөхцөл байдал сайжрахын хэрээр онц байдлын дэглэмийг бүс нутгийн хэмжээнд цуцалсан бөгөөд 10 мужид хугацаанаас өмнө цуцалжээ. Үүнтэй холбогдуулан Ерөнхийлөгч холбогдох зарлигт гарын үсэг зурсан байна.

Д.Жаргал

Эх сурвалж: Монцамэ агентлаг

18, 28 дугаар тойрогт явагдсан УИХ-ын нөхөн сонгуульд нэр дэвшигчид 1.14 тэрбум төгрөгийн хандив авчээ
18, 28 дугаар тойрогт явагдсан УИХ-ын нөхөн сонгуульд нэр дэвшигчид 1.14 тэрбум төгрөгийн хандив авчээ
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2022/01/19-нд нийтлэгдсэн мэдээ болно.

Шинэ мэдээ