Дэлхийн зарим эрдэмтэд коронавирусын Омиркон хувилбараар цар тахал дуусна гэсэн өөдрөг хүлээлттэй байсан. Гэвч бас өөр нэг хувилбарын тухай мэдээлэл түгэж эхлээд байна.
Шинэ омгийн хувилбарыг "BA.2" гэж нэрлэсэн. Мөн бас "Stealth Omicron" /Нууцлагдмал омиркон/ гэж нэрлэсэн нь бас байна. Үүнийг 2021 оны 1-р сарын 14-нд Шведийн Упсала хотын Эрдмийн лабораторид нээж олсон гэх мэдээлэл байна. Эрдэмтэд энэ нь анхны омогоос илүү халдвартай байж магадгүй гэж эмээж байна. Гэсэн хэдий ч дүгнэлт гаргахын тулд илүү нарийвчилсан судалгаа хийх шаардлагатай байна.
Гэхдээ энэ нь бие даасан шинэ хувилбар мөн үү, биш үү гэдэг нь бас эрэлзээтэй. Юу гэвэл, B.1.1.529 гэж нэрлэдэг Omicron нь ДЭМБ-ын мэдээлснээр BA.1, BA.2, BA.3 гэсэн гурван үндсэн дэд бүтэцтэй гэдгийг тогтоосон гэжээ. Өнөөг хүртэл ДЭМБ-ын тооцоолсноор Омикроны бүх тохиолдлын дийлэнх хувийг BA.1 давамгайлж ирсэн. Үүнээс харвал одоо дэлхий дахинд тархаад байгаа Омирконы нэг дэд бүтэц бүхий мутац гэж ойлгогдохоор байгаа юм.
Одоогоор Omicron-ийн BA.1, BA.2, BA.3 гэсэн гурван дэд хувилбарыг тодорхойлсон. Дэлхий даяар BA.1 нь Omicron тохиолдлын ихэнх хувийг эзэлдэг. Гэсэн хэдий ч Дани улсад BA.2 газар авч бүх Omicron тохиолдлын бараг тал хувийг эзэлж байгаа юм байна.
Тус улсын нийгмийн эрүүл мэндийн ажилтнуудын мэдээлснээр Норвегид дэд хувилбарын тоо нэмэгдсээр байна. BA.2-ын тохиолдол 1-р сарын 4-ний байдлаар долоо бүртгэгдэж байсан бол 1-р сарын 19-ний байдлаар 611 болжээ.
BA.1 гэгддэг омикроны анхны хувилбарыг эрүүл мэндийн ажилтнууд маш халдвартай гэж үздэг ч дэд хувилбар нь илүү халдвартай байж магадгүй гэж судлаачид үзэж байна.
ДЭМБ-ын мэдээлснээр өчигдөр буюу энэ сарын 24-ний байдлаар BA.2 хувилбар дэлхийн 40 оронд тархсан гэх мэдээлэл байна.
Үүнийг цааш тодруулбал, BA.2 дэд хувилбар нь Дани улсад 52 дахь долоо хоногт нийт covid-19 тохиолдлын 20%-ийг эзэлж, 2-р долоо хоногт ойролцоогоор 45% болж өссөн байна. Мөн хугацаанд BA.1-ийн харьцангуй давтамж буурсан байна.
Харин бусад улс орнуудад мөн BA.2 тохиолдлын өсөлт ажиглагдаж байна. Жишээ нь: Их Британи, Норвеги, Швед гэхчлэн. Гэхдээ тэдний тооны өсөлт Данитай ижил түвшинд хүрээгүй бололтой.
BA.1 ба BA.2 нь хамгийн чухал хэсгүүдийн мутацийн хувьд олон ялгаатай байна гэжээ. Ийм ялгаа нь халдварлах байдал, вакцины үр нөлөө эсвэл өвчин хүндрэх зэрэг өөр өөр шинж чанар, үр дагаварт хүргэдэг. Одоогоор BA.1 болон BA.2 нь өөр өөр шинж чанартай эсэх талаар тодорхой мэдээлэл байхгүй байгаа ч Statens Serum Institut (SSI) энэ асуудлыг үргэлжлүүлэн шалгахаар ажиллаж байна.
Анхан шатны шинжилгээгээр BA.2-ын өвчилж эмнэлэгт хэвтсэн хүмүүсийн тоо BA.1-тэй харьцуулахад онцын ялгаагүй байна. Халдварын байдал, вакцины үр нөлөөний талаархи дүн шинжилгээ., эсрэг бие саармагжуулах судалгаа явуулах оролдлого үргэлжилж байна. Вакцинууд нь BA.2-ийн халдварын үед хүнд хэлбэрээр өвчлөхийн эсрэг үр дүнтэй байх төлөвтэй байна гэжээ.
Их Британийн Эрүүл мэндийн аюулгүй байдлын агентлаг баасан гарагт BA.2-ыг шалгаж буй хувилбар гэж тодорхойлсон бөгөөд одоогийн тохиолдлын түвшин маш бага байна гэжээ. Цаашид дүн шинжилгээ хийх болно гэж тус агентлаг мэдэгдэв.
Мөн "Омикроны BA.2 дэд удамшлын 53 дарааллыг Их Британид тодорхойлсон" гэж мэдэгдэлд дурджээ.
UKHSA-ийн ослын асуудал хариуцсан захирал, доктор Мира Чанд хэлэхдээ "Вирусын мөн чанар нь хувьсан өөрчлөгдөж, мутацид ордог тул цар тахал үргэлжлэх тусам шинэ хувилбарууд гарч ирнэ гэж бид хүлээх болно." гэжээ
Эх сурвалж: https://en.ssi.dk/. https://healthy.24tv.ua/ болон бусад
