fbpx Оюутолгойг дотоодын эрчим хүчээр хангах гэрээ албажсанаар $120 саяыг Монголд үлдээх боломжтой
 
Энэ мэдээ хуучирсан буюу 2022/01/26-нд нийтлэгдсэн мэдээ болно.
Ангилал
Нийгэм
Огноо
Унших
2 минут 14 секунд

Оюутолгойг дотоодын эрчим хүчээр хангах гэрээ албажсанаар $120 саяыг Монголд үлдээх боломжтой

Өнөөдрийн Засгийн газрын хуралдаанаар Оюутолгой төслийн цахилгаан эрчим хүчний хэрэглээг дотоодоос хангах ажлын хэсгээс оруулсан гэрээний төслийг хэлэлцэж, дэмжжээ.

Иймээс өнөөдөр 17:00 цагт Эрчим хүчний яаманд төслийн багийнхантай Оюутолгойн цахилгаан эрчим хүчний хэрэглээг дотоодоос хангах, цахилгаан эрчим хүч худалдах, худалдан авах гэрээг албажуулна гэдгийг Эрчим хүчний сайд Н.Тавинбэх хэллээ.

Үргэлжлүүлэн тэрбээр "Гэрээ албажсанаар жилдээ дор хаяж БНХАУ-аас импортоор авч байгаа Оюутолгойн цахилгаан эрчим хүчний төлбөр 120 сая ам.доллартой тэнцэхүйц борлуулалтыг Монгол Улсын эрчим хүчний салбарт авч үлдэх боломж бүрдэнэ.

Оюутолгой жилд дунджаар 1.3 тэрбум кВт.цаг эрчим хүчийг худалдан авч хэрэгцээгээ хангаж байгаа ба үнэ нь 120 сая ам.доллар юм.

Тэгэхээр доод тал нь энэ хэмжээний цахилгаан эрчим хүчийг Монгол Улсын эрчим хүчний системээс авах ёстой. Түүнээс дээших хэрэглээг хязгаарлахгүй.

Цахилгаан эрчим хүчээр хангах тухайд одоо байгаа схемээр Өвөр монголын Эрчим хүчний системийн корпорацаас хангасаар байна. Үүнийгээ Оюутолгой төслийнхөнтэй нарийвчлан ярьсан. Өөрөөр хэлбэл, Монголоос Оюутолгой төслийн цахилгаан эрчим хүчний хэрэглээг хангах техникийн боломж бүрдэх хүртэл одоо байгаа схемээр эрчим хүчээр хангана.

Би энэхүү гэрээг Тавантолгой ДЦС, Монгол Улсын эрчим хүчний салбарын техникийн шинэчлэлтийг хийх шаардлагатай хөрөнгө оруулалт татахад дэмжлэг болох акт болж чадсан гэж дүгнэж байна.

Гэрээ 20 жилийн хугацаатай байгуулагдсан бөгөөд нэгж бүтээгдэхүүний үнийг эцэслэн тохирсон. Мөн жилд худалдаж авах цахилгаан эрчим хүчний доод хэмжээг тогтоосон.

2024 оноос эхлээд Тавантолгой ДЦС-ын эхний блок ашиглалтад орвол Оюутолгойн хэрэглээг хангаж эхлэх боломжтой болно. Зэрэгцүүлээд бусад эх үүсвэрийг барьж байгуулан ашиглалтад оруулах ёстой" хэмээв.

Л.Энх-Амгалан: Хоёрдугаар сарын 14-нөөс сурагчид 5/9 зарчмаар, хоёрдугаар сарын 28-наас танхимаар хичээллэх шийдвэр гарлаа
Л.Энх-Амгалан: Хоёрдугаар сарын 14-нөөс сурагчид 5/9 зарчмаар, хоёрдугаар сарын 28-наас танхимаар хичээллэх шийдвэр гарлаа
 
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Хууль, хяналтынхны “царцаасан” хэргүүдийг ХЗДХ-ийн сайд Х.Нямбаатар зарлана
Энэ мэдээ хуучирсан буюу 2022/01/26-нд нийтлэгдсэн мэдээ болно.

Шинэ мэдээ

 
 
 
Ирэх сараас ипотекийн зээл олголт хэвийн болно
Залуу гэр бүлүүдийн хувьд байртай болох ганц боломж нь ипотекийн зээлд хамрагдах байдаг. Гэвч цар тахлаас үүдэж сүүлийн жилүүдэд ипотекийн зээл олголт багасаж, зарим банк зээлийн хүсэлт авахгүй