fbpx Ц.Билэгтсайхан: Омикроны давлагааны үед нас баралт өмнөх хоёр давлагаанаас бараг 10 дахин бага байна
 
Энэ мэдээ хуучирсан буюу 2022/01/28-нд нийтлэгдсэн мэдээ болно.
Ангилал
Нийгэм
Хэзээ
2022/01/28
Унших
1 минут 39 секунд

Ц.Билэгтсайхан: Омикроны давлагааны үед нас баралт өмнөх хоёр давлагаанаас бараг 10 дахин бага байна

Эрүүл мэндийн яамнаас коронавируст халдварын нөхцөл байдлыг танилцуулан мэдээлэл өгч байна.

ХӨСҮТ-ийн ерөнхий захирал Ц.Билэгтсайхан "Тохиолдлын тоо өдрөөс өдөрт нэмэгдэж байна. Нийт тохиолдлын 60 хувь нийслэлд, 40 хувь орон нутагт бүртгэгдэж байгаа ч орон нутагт бүртгэгдэх тохиолдлын тоо өмнөх долоо хоногоос өсөөд байгаа.

Шинжилгээнд эерэг эзлэх хувь оны өмнөхтэй харьцуулахад зургаа дахин нэмэгдсэн. Өмнөх давлагааны буюу Дельтагийн халдварын үед шинжилгээнд эерэг эзлэх хувь оргил үед 33 хувьтай болж байсан.

Эмнэлзүйн хувьд эрчимт эмчилгээний заалттай хүний тоо 1 хувиас бага байгаа. Харин Дельтагийн үед эрчимт эмчилгээний заалттай хүн 2.2-2.3 хувь, Альфагийн үед 2.7-2.8 хувьтай байсан.

Нас баралтын хувьд өмнөх хоёр давлагаанаас бараг 10 дахин бага үзүүлэлттэй байна.

Томуу, томуу төст өвчний тохиолдлын 40 хувь нийслэлд, 60 хувь орон нутагт бүртгэгдэж байгаа бөгөөд 12 аймагт томуу, томуу төст өвчний идэвхжлийн түвшинд хүрээд байна.

Вакцины бүрэн тунд хамрагдсан 2.2 сая хүн байгаа бол хоёр хоногийн өмнө дархлаа сэргээх гуравдугаар тунд хамрагдсан хүний тоо 1 саяыг давлаа. 78 мянган хүн дархлаа сэргээх дөрөвдүгээр тунд хамрагдаад байна" гэх мэдээллийг өглөө.

УИХ-ын Тамгын газар 99 саяар зөвхөн принтер биш олон үйлдэлт хэвлэлийн машин худалдан авсан гэв
О.Батбаяр: Дэд хувилбар болох BA.2 хувилбар эрчимтэй тархаж байна
Энэ мэдээ хуучирсан буюу 2022/01/28-нд нийтлэгдсэн мэдээ болно.

Шинэ мэдээ