Канадын сноубордчин үхлийн аюултай өвчинтэй гэдгээ анх сонссоноос хойш ердөө гурван жилийн дараа олимпын тэнгэрт төрийн далбаагаа мандууллаа.
Слоупстайлаар өрсөлдсөн Макс Парро "Бээжин-2022" өвлийн олимпын үеэр үндэсний шигшээ багийнхаа анхны алтан медалийг авчирсан юм. Гуравхан жилийн өмнө 24 настай байхдаа Парро үхлийн аюулт өвчин туссан нь оношлогдож байжээ.
Парро гурван настайгаасаа л өвлийн спорт сонирхож эхэлсэн. Анх цанаар гулгаж эхэлсэн бол есөн настайгаасаа сноубордоор хичээллэх болжээ. Үүнээс 10 жилийн дараа Сочигийн олимпд оролцсон бол дахин дөрвөн жилийн дараа Пёнчан-2018 олимпын мөнгөн медаль хүртсэн юм. Ийнхүү түүний алдрын замнал эхэлж байхад тунгалгийн системийн хавдартай нь тогтоогджээ.
Канадын тамирчин аймшигт өвчний талаар сонссон ч бууж өгсөнгүй. Зургаан сарын дотор 12 курс химийн эмчилгээ хийлгэв. "Хавдар хэзээ ч намайг дийлэхгүй" гэсэн бодол үргэлж байсан гэж тэрбээр хожим дурсжээ.