Өчигдөр нийтлэгдсэн судалгааны тайланд хүн зөв, эрүүл хооллож чадвал амьдрах хугацаагаа 13 хүртэл жилээр сунгах боломжтойг харуулжээ.

Тухайлбал малын мах (red meat), боловсруулсан хүнс (processed food) хэрэглэхээ багасгаж, оронд нь жимс, ногоо, самар, бүхэл үрийн болон шошны төрлийн хүнс түлхүү хэрэглэвэл ийм үр дүнд хүрэхийг судалж тогтоосон байна.

Судалгааны тайлан өчигдөр PLOS Medicine шинжлэх ухааны сэтгүүлд нийтлэгджээ.

Эмэгтэй хүн 20 наснаасаа эхлэн ийм хоолны дэглэмд шилжвэл амьдрах хугацаа нь 10 жилээр уртсах бол 20 настай эрэгтэйн хувьд 13 жилээр уртсахыг судлаачид өөрсдийн боловсруулсан аргаар тооцоолсон байна.

Гэхдээ ахмад настай хүмүүсийн хувьд ч энэ нь үр дүнтэйг тогтоожээ. Тухайлбал 60 настайгаасаа эхэлбэл эмэгтэйчүүдийн хувьд найман жил, эрчүүдийн хувьд есөн жилээр амьдрах хугацаагаа уртасгах боломжтой гэнэ.

Аль алиных нь хувьд 80 настайдаа дээрх хоолны дэглэмийг хэрэгжүүлж эхэлсэн тохиолдолд амьдрах нас нь 3.5 жил орчмоор уртсах тооцоо гарчээ.

Амьдрах хугацааг хоол хүнсний хэрэглээтэй холбосон уг загварчлалыг Норвегийн судлаачид боловсруулсан юм байна. Тэд дэлхийн 204 орныг хамруулсан эрүүл мэндийн эрсдэлийн 87 хүчин зүйл, 369 төрлийн өвчин, нас баралтын 286 шалтгааны тоо баримтыг судалгаандаа ашиглажээ.

Эх сурвалж: CNN