fbpx Ж.Бат-Эрдэнэ: Өдөрт 50-60 чингэлэг оруулж ирсээр одоо 1460 чингэлэг бараа татан аваад байна
 
Энэ мэдээ хуучирсан буюу 2022/02/11-нд нийтлэгдсэн мэдээ болно.
Ангилал
Нийгэм
Огноо
Унших
2 минут 4 секунд

Ж.Бат-Эрдэнэ: Өдөрт 50-60 чингэлэг оруулж ирсээр одоо 1460 чингэлэг бараа татан аваад байна

Замын-Үүдийн автозамын боомт, ачаа тээврийн асуудлаар албаныхан мэдээлэл хийлээ.

Зам тээврийн Дэд сайд Ж.Бат-Эрдэнэ: Өнөөдрийн байдлаар улсын хэмжээнд есөн боомт ажиллаж байна. Зорчигч гэхээсээ илүүтэй ачаа тээврийн үйл ажиллагааг явуулж байгаа юм.

Гашуунсухайт боомтод өдөрт 100-160 орчим тээвэр явж байна. Мөн Замын-Үүд авто замын боомтоор 50-60 чингэлэг тээвэр нэвтрүүлж байгаа ба авто тээврийн хэрэгслийг импортоор оруулж ирэх ажлыг давхар хийж байна. Хоёр хоногийн дараагаас тусгайлсан бүрэлдэхүүн очиж ажиллана. Замын-Үүдэд хоосон чингэлэг буцааж байгаа ба ариутгал хийн өдөрт 20-30 чингэлэг буцааж байна. Мөн энд яригдаж байгаа томоохон зүйл бол овор ихтэй ачаа барааг хэрхэн оруулж ирэх талаар нөгөө талтай ярилцаж байна. Авто тээврээр, төмөр замаар, чингэлгийн тээврээр гурван төрлөөр ангилан оруулж ирэх ажлыг зохион байгуулахаар төлөвлөж байна.

Мөн ард иргэдийг бухимдуулаад буй үнийн өсөлтийг хэрхэн зохион байгуулах талаар ярилцаж байна. Монгол Улсад нээлттэй платформ ажиллуулж эхлэх ба тээвэр зуучийн төлөөлөлтэй өчигдөр уулзалт хийж хэрхэн хамтрах чиглэлээ тодорхой болгосон. Өөрөөр хэлбэл, үйл ажиллагаагаа ил тод болгох шаардлагатай гэж үзсэн. Тэгэхээр захиалж байгаа иргэн, ААН ямар газраар авчруулж буй талаарх мэдээлэл ил болно. Өдөрт 50-60 чингэлэг оруулж ирсээр одоогоор 1460 чингэлэг ачаа бараа татаад байна.

Булганы боомтоор зөвхөн нүүрс тээвэрлэж байна. Өнгөрсөн сарын 28-наас эхлэн зэсийн баяжмал, төмрийн хүдрийг гаргаж байна. Эхний ээлжид төмөр замд гарсан буюу нэгэнт ачигдсан барааг оруулахаар нөгөө талтай ярилцаж байна.

ЭМЯ: Коронавируст халдварын 1,297 тохиолдол шинээр батлагдаж, 2 иргэн нас баржээ
ЭМЯ: Коронавируст халдварын 1,297 тохиолдол шинээр батлагдаж, 2 иргэн нас баржээ
 
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Энэ мэдээ хуучирсан буюу 2022/02/11-нд нийтлэгдсэн мэдээ болно.

Шинэ мэдээ