Өчигдөр орой /2022.02.15/ “Бээжин-2022” Өвлийн олимпын наадмын уран гулгалтын эмэгтэй богино үзүүлбэрийн тэмцээн болж ОХУ-ын Үндэсний олимпын хорооны тамирчин Камила Валиева 82,16 оноогоор тэргүүн байрт шалгарлаа.
Түүний араас Анна Щербакова /ОХУ/ - 80,20, Каори Сакамото /Япон/ - 79,84, Александра Трусова /ОХУ/ - 74,60 гэсэн оноогоор 2, 3, 4 дүгээр байрт тус тус шалгарсан юм.
Энэхүү уралдаан Бээжингийн олимп эхлээд л олны анхаарлыг татсан бөгөөд ОХУ-ын тамирчин, дэлхийн рекордыг эзэмшигч Камила Валиева багийн тэмцээний дараа болсон допингийн асуудал байю. Спортын арбитрын шүүхээс Камтилаг богино үзүүлбэрт оролцохыг зөвшөөрсөн ч ОУОХ-ноос түүнийг медалийн болзол хангасан тохиолдолд шагнал гардуулахгүй гэж зарласан.
Эмэгтэй богино үзүүлбэрт сүүлийн 5 тамирчнаас эхлээд Камила Валиева гарсан бөгөөд In Memoriam хөтөлбөрийн эхний гурвалсан аксель үсрэлтийн буулт дээр бага зэрэг алдаа гаргасан ч гурвалсан флип, лутц, тулуп үсрэлтээ амжилттай гүйцэтгэв. Түүний оноо хамгийн өндөр буюу 82,16 байсан юм.
Бусад тэргүүлэгч уран гулгагчдын хувьд Оросын 17 настай Александра Трусова мөн аксель дээр унаж алдаа гаргасан. Харин Анна Щербакова алдаагүй шахам гулгасан ч Камилаг гүйцсэнгүй. Улмаар Японы Каори Сакамото алдаа гаргалгүйгээр гуравдугаарт орсон. Ийнхүү Этеригийн 3 шавь, японы 1 тамирчны хамт тэргүүлж эхэллээ. Пүрэв гарагт болох чөлөөт үзүүлбэрийн тэмцээний дараа медалийн эзэд тодорно.
Эх сурвалж: Montsame.mn
