Монгол Улсад сүрьеэгийн тархалт дэлхийн дунджаас 3.4 дахин өндөр байна. Дэлхий дахинд 100 мянган хүн ам тутамд 127 хүн сүрьеэгээр өвчилж байхад манай улсад энэ үзүүлэлт 437 байна.
“Халдвар авсан иргэдийн 12 хувь нь хүүхэд байгаа нь сүрьеэд анхаарал татах асуудал болсныг илтгэнэ. Дэлхий дахинд 100 мянган хүн амд сүрьеэгээр өвчилсөн хүүхдийн тоо 6.1 байгаа бол Монголд энэ үзүүлэлт 32 байна. Хүүхдүүдийн дунд сүрьеэгийн тархалт их байгаа нь сүрьеэ анхаарал татах асуудал шүү гэдгийг илэрхийлж буй үзүүлэлт” гэж ХӨСҮТ-ийн эмч О.Мандал мэдээлэв.
