2-р сарын 19-ний орой БНХАУ-ын Төрийн зөвлөлийн гишүүн бөгөөд ГХЯ-ны сайд Ван И Мюнхений аюулгүй байдлын 58-р бага хурлын Хятадын чуулганд видео хэлбэрээр оролцон үг хэлсэн юм.
Энэ үеэрээ Ван И сэтгүүлчийн НАТО-гийн зүүн тийш өргөтгөл хийж буй явдал, Европын аюулгүй байдал, Украйны нөхцал байдлын талаарх Хятадын байр суурь ямар байгаа вэ гэсэн асуултад хариулав.
Тодруулбал Ван И: "Хүйтэн дайн аль эрт дууссан. Хүйтэн дайны үр дагавар болох НАТО нь нөхцөл байдлыг дүгнэж цэгнэн, шаардлагатай зохицуулалт хийх ёстой. Хэрэв НАТО зүүн тийш өргөтгөл хийх нь Европын энх тайван тогтвортой байдлыг хамгаалахад ашигтай эсэх, Европт урт удаан хугацааны тогтвортой байдлыг бий болгоход тустай эсэх нь Европын анд нөхдийн нухацтай авч үзэх асуудал юм.Улс орнуудын бүрэн эрх, тусгаар тогтнол, нутаг дэвсгэрийн бүрэн бүтэн байдлыг хүндэтгэж, хамгаалах ёстой. Учир нь эдгээр нь олон улсын харилцааны үндсэн зарчим, НҮБ-ын дүрмийн үндсэн зарчим бөгөөд Хятад улсын тууштай баримтлах зарчмын байр суурь юм. Украины асуудал дээр ч гэсэн ялгаагүй. Хэрэв хэн нэгэн энэ асуудлаархи Хятадын байр сууринд эргэлзэж байвал өөр зорилготой далд санааг агуулж байна" гэжээ.
Г.Бямба
