“Эхлэл брэнд" компани нь Монгол Улсын мэдээлэл технологийн салбарт цахиур хагалан олон нийтэд электроникийн бүтээгдэхүүнүүдээрээ танигдаж, цаашлаад дэлхий нийтэд үндэсний үйлдвэрлэлээ нэвтрүүлж буй үндэсний үйлвэрлэгч юм.
Тэд амжилттай өсөж дэвшихийн хэрээр өөрсдийн нийгмийн хариуцлагынхаа хүрээнд олон төрлийн хүмүүнлэгийн, нийгэмд тустай үйл ажиллагааг зохион байгуулж дэмжлэг үзүүлсээр ирсэн.
Үүнээс цухас дурдахад коронавируст цар тахал нөмөрсөн улс орны хүнд хэцүү үед тогтвортой үйл ажиллагаа явуулаад зогсохгүй эмч эмнэлгийн ажилчид, “Халдварт Өвчин Судлалын Үндэсний Төв”-д “Эхлэл брэнд” компанийн захирал Б.Батзаяа болон эхлэл брэндийн хамт олон 20 сая төгрөг, Монголын хамгийн анхны ухаалаг гар утас Hulan21-ийг халдварын голомтод ажиллаж буй эмч нарт, болон Хот Тохижилт Үйлчилгээний хамт олонд бараа бүтээгдэхүүнээ бэлэглэж улсдаа хийж буй ажлыг нь хүндэтгэн дэмжиж байсан нь саяхан.
Цаашлаад дан ганц нийгмийн сайн сайхны төлөө бусдыг дэмжиж ажиллахаас гадна олон улсад Монгол Улсаа төлөөлж буй спортын олон шинэ залуу тамирчдад дэмжлэг үзүүлж ажилласаар байна. Спортод дэмжлэг үзүүлснээр залуу тамирчдыг цаашдаа тив дэлхийд амжилт гаргахад нь хүчтэй нөлөө, дэмжлэг болж байгаа нь сайшаалтай.
Үндэсний үйлдвэрлэгч “Эхлэл” компани цаашдаа илүү олон залуу тамирчдыг, нийгмийн хариуцлага, ирээдүйн төлөө, олимп дэлхийн аварга болоход нь тус дэм болж дэмжсээр байх нь дамжиггүй биз.
