Орос Украины нутаг дэвсгэрийг эзлэхээр төлөвлөөгүй, харин Украины ард түмний өөрийгөө тодорхойлох эрхийг дэмжиж байна гэж Владимир Путин мэдэгдэв.
"Бид хэн нэгэнд хүчээр юу ч тулгахгүй" гэж Оросын ерөнхийлөгч хэлээд Оросын цэргийн үйл ажиллагааг "өөрийгөө хамгаалах" гэж нэрлэв.
Үүний зэрэгцээ тэрээр үндэстнүүдийн өөрийгөө тодорхойлох эрхийг эргэн сануулав.
"ЗСБНХУ-ыг байгуулах үед ч, Дэлхийн хоёрдугаар дайны дараа ч орчин үеийн Украины нэг хэсэг болох тодорхой нутаг дэвсгэрт амьдарч байсан хүмүүс өөрсдөө амьдралаа хэрхэн зохицуулахыг хүсч байгааг нь хэн ч асуугаагүй. Эрх чөлөө бол манай бодлогын гол цөм юм. Энэ эрх буюу сонгох эрхийг өнөөгийн Украины нутаг дэвсгэрт амьдарч буй бүх ард түмэн ашиглах боломжтой гэдэгт бид итгэж байна."Хүссэн хүн бүр" гэж Путин хэлэв.
Харин яг энэ үеэр Нью-Йорк хотноо НҮБ-ын Аюулгүйн зөвлөлийн шуурхай хуралдаан болж, улс орнуудын төлөөлөгчид Украины эргэн тойронд үүссэн мөргөлдөөнийг зохицуулах боломжийн талаар хэлэлцэж байна.
Уг хуралдаан дээр НҮБ-д суугаа ОХУ-ын төлөөлөгч Василий Небензя одоо болж буй үйл явдлын талаар "Энэ бол дайн биш. Энэ бол Донбасст явуулж буй тусгай ажиллагаа" гэж тайлбарлав.
Эх сурвалж: ВВС
