Шадар сайд С.Амарсайхан мэдээлэл хийх үеэр Украинд байгаа монгол иргэдээ татан авах талаар ямар арга хэмжээ явуулж буйг тодруулсан сэтгүүлчийн асуултад хариуллаа.
С.Амарсайхан: "Украин улсад дайны нөхцөл байдал үүслээ. Улс орнууд иргэдээ Украин улсаас татах арга хэмжээ авч байна. Тус улсад манай улсын 60 гаруй оюутан, залуус иргэд амьдардаг. Тэдний тал нь эх орондоо ирсэн. Одоо 30-аад хүн байна.
Энэ асуудлаар өчигдөр Гадаад харилцааны сайдтай ярьж, ОХУ дахь Монголын ЭСЯ-тай хамтарч, иргэдээ ойрын үед татах үүрэг даалгавар өгсөн" гэлээ.