"Бизкон аудит" ХХК 20 жилийн ойдоо зориулж Монгол Улсын начин цолны хүндэтгэлийн барилдаан Монгол бөхийн өргөөнд өчигдөр болж өндөрлөлөө.
Тус барилдааны хоёрын даваанд Монгол Улсын даян аварга Н.Батсуурь Говь-Алтай аймгийн Дэлгэр сумын харьяат сумын заан Э.Дашдэмбэрэлд өвдөг шороодсон нь үзэгчдийг өндөлзүүлсэн барилдаан болсон юм.
Энэ үеэр Завхан аймгийн “Даян” дэвжээний бөхчүүд барилдахгүй гэж мэдэгдлээ. Үүнийг Монгол улсын харцага Ш.Пүрэвгарьд албан ёсоор мэдэгдээд байв. Учир нь тэд Монгол Улсын даян аварга Н.Батсуурь, улсын арслан Р.Пүрэвдагва нарын барилдах эрх сэргэсэн асуудалд нэгдсэн шийдэлд хүрээгүй хэмээн үзэж байгаа аж.
"Бизкон аудит" ХХК 20 жилийн ойдоо зориулж Монгол Улсын начин цолны хүндэтгэлийн барилдаанд Архангай аймгийн Цэнхэр сумын харъяат улсын гарьд М.Бадарч түрүүлж, Сэлэнгэ аймгийн Цагааннуур сумын харъяат улсын харцага Б.Орхонбаяр үзүүрлэлээ. Харин их шөвгийн дөрөвт Ховд аймгийн Чандмань сумын харъяат улсын заан Б.Пүрэвсайхан, Ховд аймгийн Зэрэг сумын харъяат Б.Бат-Өлзий нар шалгарч үлдлээ.
.jfif&w=80&h=80 "Маргаашнаас төвийн аймгуудын нутгийн хойд хэсгээр бороо, уулаараа нойтон цас орно")
.jfif&w=80&h=80 "Автомашингүй өдрөөр төв талбай дээр шүдний эмнэлгүүд ажиллана")
