Цагдаагийн газарт гэрчийн мэдүүлэг өгөхөөр очсон иргэний биед цагдаагийн албан хаагч халдаж, ёс бус харьцаж байгаа бичлэг цахим орчинд цацагдаад байна.
Тодруулбал, иргэн өчигдөр Сүхбаатар дүүргийн цагдаагийн нэгдүгээр хэлтэст гэрчийн мэдүүлэг өгөхөөр Н гэх байцаагчийн өрөөнд очжээ. Улмаар байцаагч өрөөнөөс түр гарсан байх үед тухайн иргэн ариун цэврийн өрөө орохоор суудлаасаа боссон байна. Энэ үед өрөөнд байсан цагдаа Б түүнийг түлхэж, өрөөнөөс гаргахгүй гэж уурлаж, гар руу нь хэд хэд цохьжээ.
Тэгвэл уг албан хаагчид албаны шалгалт хийж эхэлсэн бөгөөд, хариуцлага тооцно гэдгээ ЦЕГ-аас мэдэгдлээ.