Хаа сайгүй л болохгүй бүтэхгүй асуудлууд дүүрэн байгаа энэ үед нэгч гэсэн гэрэл гэгээтэй мэдээлэл цацагдаж байгаад баяртай байна. 2018.04.09-ны өдөр шүдний эмчээр ажилладаг Золбоо гэх залуугийн төрсөн өдөр болсон байна. Энэ өдөр тэрбээр зүгээр нэг тэмдэглээд өнгөрөх бус өөрийн санаачлалаар СХД-ийн 26-р хороог сонгож амьжиргааны төвшин доогуур 65 өрхөд туслах зорилгоор гурил, цай, тос, ногоо зэрэг хүнс өгч, 117 хүүхдэд эрүү амны буюу шүдний үзлэг хийжээ. Шүдний эмч залуугийн сайн үйлсийн аяныг найзууд нь дэмжиж тусалсан аж.
Эх сурвалж Шуурхай.мн