fbpx 5-11 насны хүүхдээ вакцинд хамруулахаар өрхийн эмнэлэг дээр ирэхдээ эцэг эхчүүд иргэний үнэмлэх, хүүхдийн төрсний гэрчилгээг авчирна
 
Энэ мэдээ хуучирсан буюу 2022/08/01-нд нийтлэгдсэн мэдээ болно.
Ангилал
Нийгэм
Огноо
Унших
2 минут 27 секунд

5-11 насны хүүхдээ вакцинд хамруулахаар өрхийн эмнэлэг дээр ирэхдээ эцэг эхчүүд иргэний үнэмлэх, хүүхдийн төрсний гэрчилгээг авчирна

Өнөөдрөөс 5-11 настай хүүхдүүдийг коронавирусийн эсрэг вакцинд сайн дурын үндсэн дээр хамруулах ажил улсын хэмжээнд эхэлж байна. Өөрөөр хэлбэл, эцэг эх, асран хамгаалагчид нь зөвшөөрсөн тохиолдолд хүүхдэд вакцин хийнэ гэдийг Эрүүл Мэндийн Яам (ЭМЯ)-наас мэдээлээд буй.

Халдварт Өвчин Судлалын Үндэсний Төв (ХӨСҮТ)-ийн Дархлаажуулалтын албаны дарга В.Байгал "Хүүхдүүдийг нэг сарын зайтай хоёр удаа "Комирнэти" (BNT162b2) буюу Pfizer вакцинаар дархлаажуулж, халдвараас сэргийлнэ. Хүүхдэд зориулсан найрлага агууламжтай. Вакцины талаар таниулах зөвшөөрлийн хуудастай эцэг, эхчүүд танилцаж, сайн дурын үндсэн дээр хүүхдэдээ вакцин хийлгэнэ.

Вакцины нэгдүгээр тунгийн хувьд сум, өрхийн эрүүл мэндийн нэгж дээрх дархлаажуулалтын цэгүүдээр дамжуулж хийнэ. Харин хоёрдугаар тунг сургууль, цэцэрлэг дээр түр цэг нээж, зохион байгуулна. Тухайн вакцин сайн дурын үндсэн дээр хийгдэж байгаа учраас вакцин хийлгээгүй бол сургууль, цэцэрлэгт оруулахгүй гэсэн зүйл байхгүй гэдгийг анхааруулъя" хэмээн хэлж байсан.

5-11 насны хүүхдүүдийн дархлаажуулалт эхэлсэнтэй холбоотойгоор Сонгинохайрхан дүүргийн “Ариун-Энэрэл” ӨЭМТ-өөс тодруулахад "Вакцинжуулалтад хамрагдахаар харьяа ӨЭМТ-д хүүхэдтэйгээ ирэхдээ дараах бичиг баримттай байх ёстой. Эцэг эхчүүд өөрийн иргэний үнэмлэх, хүүхдийнхээ төрсний гэрчилгээг авчирна" гэдгийг хэлсэн юм.

АНУ-аас 5-11 настай хүүхдүүдэд зориулж өгсөн 300,000 Pfizer вакцин ХӨСҮТ-ийн вакцин биобэлдмэлийн агуулахын гүн хөлдөөгчид хадгалагдаж байгаа юм. Вакцинжуулалтад хамрагдах иргэд харьяа дүүрэг харгалзахгүйгээр дархлаажуулалтад хамрагдах боломжтой.

Улаанбаатар хотод өнөөдөр суурин 31, түр 9 цэгт 40 багийн 157 эмч, ажилтан ажиллана. Дархлаажуулалтын цэгүүд 09:00-16:00 цаг хүртэл ажиллах юм.

Вакцины дараах түгээмэл хариу урвалууд нь

  • тарьсан газар хөндүүрлэх
  • бага зэрэг халуурах
  • Бие арзайх
  • Толгой өвдөх
  • Ядарч сульдах
  • Булчин, үе мөчөөр өвдөх зэрэг шинж тэмдгээр илэрдэг. Энэ нь ихэвчлэн хөнгөн явцтай байх ба гурван хоногийн дотор зовуурь арилна гэдгийг мэргэжлийн байгууллагаас хэлж байна.
Коронавируст халдварын 209 тохиолдол шинээр батлагдлаа
Коронавируст халдварын 209 тохиолдол шинээр батлагдлаа
 
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Эрдэнэбүрэнгийн УЦС-ын нөлөөллийн бүсэд буй иргэн бүрд 15.2 сая төгрөг олгоно
Энэ мэдээ хуучирсан буюу 2022/08/01-нд нийтлэгдсэн мэдээ болно.

Шинэ мэдээ