АНУ-д үйлдвэрлэсэн HIMARS (High Mobility Artillery Rocket System) пуужингийн артиллерын системээс дөрвөн ширхгийг хүлээж авснаа Украины батлан хамгаалахын сайд Олексий Резников өчигдөр мэдээлжээ.
4 additional HIMARS have arrived in🇺🇦. I’m grateful to @POTUS @SecDef Lloyd Austin III and 🇺🇸people for strengthening of #UAarmy
— Oleksii Reznikov (@oleksiireznikov) August 1, 2022
We have proven to be smart operators of this weapon. The sound of the #HIMARS volley has become a top hit 🎶 of this summer at the front lines!
🇺🇦🤝🇺🇸 pic.twitter.com/iOBoxfjV7e
Ингэснээр тус улсын арми 16 ийм зэвсэгтэй болж байна.
“Бид энэ зэвсгийн ухаалаг оператор болохоо батлан харуулж байгаа. HIMARS-ийн пуужингийн шунгинах чимээ фронтын шугам дээр энэ зуны хит болж байна” гэж Резников твиттер хуудсандаа бичжээ.
80 хүртэл километрийн зайнаас өндөр нарийвчлалтай цохилт өгөх чадвартай HIMARS-ийг Орос-Украины дайны хүчний харьцааг өөрчлөх нөлөөтэй зэвсэг гэж мэргэжилтнүүд үздэг.
Анхны HIMARS зургаадугаар сарын сүүлээр Украинд ирж байв.
Тэр үеэс хойш Украины арми эзлэгдсэн нутаг дэвсгэр дэх Оросын зэвсгийн агуулах, командын төв, ложистикийн дэд бүтэц зэрэг чухал байгууламжуудыг хэдэн арваар нь устгаснаа мэдээлж байгаа.
Харин Оросын зэвсэгт хүчин хэд хэдэн HIMARS-ийг устгаж чадсанаа мэдээлдэг. Гэхдээ өнгөрсөн сарын сүүлээр АНУ-ын зэвсэгт хүчний жанжин штабын дарга, генерал Марк Милли хэвлэлд өгсөн ярилцлагадаа Оросын тал ганц ч HIMARS устгаагүй байгааг баталсан юм.
Эх сурвалж: Reuters
