fbpx Украины Запорожье мужийн захирагч ОХУ-д нэгдэх санал хураалтыг зохион байгуулах захирамж гаргажээ
 
Энэ мэдээ хуучирсан буюу 2022/08/09-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 23 секунд

Украины Запорожье мужийн захирагч ОХУ-д нэгдэх санал хураалтыг зохион байгуулах захирамж гаргажээ

Оросын цэргийн хяналтад байгаа Украины өмнөд бүсийн Запорожье мужийн Москвагаас томилогдсон захирагч тус мужийг ОХУ-д нэгтгэх асуудлаар бүх нийтийн санал хураалт зохион байгуулах захирамж гаргажээ.

Өчигдөр тус мужийн төвд болсон “Бид Оростой хамт” чуулганы үеэр захирагч Евгений Балицкий “Запорожье мужийг ОХУ-тай нэгтгэх санал хураалтын бэлтгэл ажлыг эхлүүлэх захирамжийг би өнөөдөр Сонгуулийн Төв Хороондоо өглөө” гэж хэлсэн байна.

Шийдвэрийг чуулганд оролцогчид алга ташин хүлээж авч, төгсгөлд нь ОХУ-ын төрийн дууллыг эгшиглүүлсэн тухай ТАСС агентлаг мэдээлжээ.

Украины өмнөд бүсийн Запорожье муж дайны эхний өдрүүдэд ОХУ-ын цэрэгт эзлэгдсэн юм. Сүүлийн үед Украины арми тус мужийг буцааж авахаар байлдааны ажиллагаа явуулж эхлээд байгаа.

ОХУ нь 2014 онд Крымийн хойгийг өөртөө нэгтгэхдээ мөн нутгийн иргэдийн дунд санал хураалт зохион байгуулж байжээ.

Запорожье мужид Европын хамгийн том атомын цахилгаан станц байдаг. Сүүлийн өдрүүдэд Украин, Оросын армиудын хооронд өрнөж буй тулаан уг станцад осол гарах эрсдэлийг нэмэгдүүлээд байна.

Эх сурвалж: ТАСС

Ван И-гийн “ганзага”-наас Л.Оюун-Эрдэнэ “олз”-той үлдэв
Ван И-гийн “ганзага”-наас Л.Оюун-Эрдэнэ “олз”-той үлдэв
 
Сүмогийн их аварга NBA-гийн одод мэх заав
Сүмогийн их аварга NBA-гийн одод мэх заав
Энэ мэдээ хуучирсан буюу 2022/08/09-нд нийтлэгдсэн мэдээ болно.

Шинэ мэдээ