КИЕВ. /France24/. Их Британийн Ерөнхий сайд асан Борис Жонсон Украины Тусгаар тогтнолын өдрийг тохиолдуулан Киев хотноо гэнэтийн айлчлал хийжээ. Тэрбээр энэ үеэрээ Украинд цэргийн нэмэлт багц тусламжийг үзүүлэхээ амласан байна.
Б.Жонсоны ажлын албаны мэдээлснээр, 63.5 сая ам.долларын өртөг бүхий багцад суурин тосгодод ашиглах зориулалт бүхий “Black Hornet” микро дронууд багтаж байна. Тэдгээрийг ойртож буй дайсны хүчийг илрүүлэхэд ашиглах боломжтой байна.
Цэргүүд гар утаснаас жижиг хэмжээтэй тэдгээр дроныг 20 минутын дотор нисгэж сурах боломжтой бөгөөд дрон бүр шууд бичлэг хийж, хуурай замын цэргүүдэд хотын бүсийг хамгаалахад туслах гэрэл зургуудыг авах чадалтайг мэдэгдэлд дурджээ.
“Өнөөдрийн тусламжийн багц нь зоригтой, тэсвэр тэвчээртэй Украины Зэвсэгт хүчний чадавхийг ахин нэмэгдүүлж, Оросын цэргүүдийг үргэлжлүүлэн ухраан, эрх чөлөөнийхөө төлөө тэмцэх боломжийг тэдэнд олгоно” гэж Б.Жонсон мэдэгдсэн байна.
Э.Хулан
Эх сурвалж: "Монцамэ" агентлаг
