Хүний амьдралын хэв маяг хоол болон хөдөлгөөнөөс шууд хамаардаг. Тодруулбал,
- Хоол хүнс 70 хувь
- Дасгал хөдөлгөөн 30 хувь байдаг.
Зохистой хооллолт гэдэг нь шим тэжээлийн бодис, илчлэгтэй холбоотой. Бидний өдөр тутамдаа идэж байгаа хоол хүнс тэжээллэг чанар багатай байна. Манай улс мал аж ахуйн орон. Гэтэл сүү цагаан идээний хэрэглээ хангалтгүй түвшинд байдаг. Жишээлбэл сүү, сүүн бүтээгдэхүүний хэрэглээ 30 орчим хувь, хүнсний ногоо, жимсний хэрэглээ 17 хувьтай байгаа талаар Нийгмийн Эрүүл Мэндийн Үндэсний Төвийн (НЭМҮТ) Хоол судлалын албаны эрдэм шинжилгээний ажилтан Х.Түвшинбаяр хэлж байсан.
Яс сийрэгжих өвчний үеийн хооллолтын зөвлөмжийг НЭМҮТ-өөс хүргэж байна. Үүнд:
- Сүү, сүүн бүтээгдэхүүнээс доод тал нь өдөрт гурван удаа хэрэглэх
- Кальци агуулсан хүнсний бүтээгдэхүүн идэх
- Д амин дэм хэрэглэх
- Биеийн жингээ барих
- Согтууруулах болон хийжүүлсэн ундаанаас зайлсхийх хэрэгтэй.
