Ерөнхий боловсролын сургуулийн эрэгтэй сурагчид нэгнийгээ зодож буй бичлэг өчигдөр цахим орчинд цацагдсан.
Уг асуудалтай холбоотойгоор Цагдаагийн Ерөнхий Газраас тайлбар өглөө.
Тодруулбал, "Цахим орчинд хүүхдүүд зодолдоод, нэгийгээ зодож буй бичлэг нь өмнө цагдаагийн байгууллагад бүртгэгдэж байгаагүй. Эрүүгийн цагдаагийн албаны Кибер гэмт хэрэгтэй тэмцэх хэлтсээс шалган 2021 оны тавдугаар сард Баянгол дүүргийн 26 дугаар хорооны нутаг дэвсгэрт байрлах “Есөн-Эрдэнэ” хотхоны орчимд үйлдэгдсэн болохыг тогтоогоод байна.
Хоорондоо зодолдож буй хүүхдүүд нь 15 настай болохыг тогтоосон. Баянгол дүүрэг дэх цагдаагийн газрын нэгдүгээр хэлтэст шалгалтын ажиллагаа явуулж байна" гэдгийг хэллээ.
