Сиднейн их сургууль, Өмнөд Данийн их сургуулийн хэсэг эрдэмтэд алхалтын эрүүл мэндийн ач холбогдлыг судалсан үр дүнгээ өчигдөр JAMA Internal Medicine, JAMA Neurology анагаах ухааны сэтгүүлүүдэд нийтлүүлжээ.
Тэд 2013-2015 оны хооронд Их Британийн 78,500 насанд хүрэгчид хэмжигч төхөөрөмж зүүлгээд долоон жилийн дараа үр дүнг нь үнэлсэн байна.
Ингэхэд хүн өдөр бүр 10,000 алхам хийх нь эрүүл байх чухал хүчин зүйл болохыг баталжээ.
Харин түргэн хэмнэлтэй алхах нь эрүүл мэндийн ач холбогдлыг улам нэмэгдүүлдгийг судалгаа харуулсан байна.
Тухайлбал өдөр бүрийн 10,000 алхам нь зөнөх эрсдлийг 50 хувь, зүрх судасны өвчлөл, хорт хавдрын эрсдлийг тус бүр 30 ба 40 хувиар бууруулж байжээ.
Хурдтай алхвал дээрх үзүүлэлтүүд улам нэмэгддэг нь туршилтаар батлагдсан байна.
2,000 алхам тутамд цагаасаа эрт үхэх эрсдэл 8-11 хувиар багасдаг болох нь энэ судалгаанаас харагджээ. Өдөр бүр 10,000 алхах тухай ойлголт анх Японы нэг компанийн маркетингийн санаа байсан гэдэг.
Гэхдээ шинжлэх ухаан талаасаа ч энэ тоо утга учиртай болохыг судлаачид баталжээ.
Сүүлийн үеийн ихэнх судалгаа хүмүүс өдөрт 7,000-10,000 алхам хийхийг зорих ёстой гэж зөвлөсөн байдаг.
Эх сурвалж: The Guardian