Дэлхий даяар тэмдэглэн өнгөрүүлдэг "Ардчиллын өдрөөр" МАН жендерийн тэгш байдлыг хангахаар удирдах ажилтнуудынхаа дунд "Оролцьё, төлөөлье" хэлэлцүүлгийг Тусгаар тогтнолын ордонд зохион байгуулж байна.
НҮБ-ын Ерөнхий Ассамблейн баталсан Тогтвортой хөгжлийн зорилгод Монгол Улс 2016 онд нэгдэн "Монгол Улсын тогтвортой хөгжлийн үзэл баримтлал-2030"-ийг батлан гаргасан.
Энэхүү зорилгын тав дахь нь "Жендерийн эрх тэгш байдлын хангах" бөгөөд МАН бүх шатанд жендерийн эрх тэгш байдлыг ханган хэрэгжүүлэх, нэгдмэл орчныг бүрдүүлэх, жендерийн мэдрэмжтэй нам байх зорилгоор энэхүү хэлэлцүүлгийг зохион байгуулж байна. Хэлэлцүүлэгт 21 аймаг, нийслэлийн 9 дүүргийн намын удирдах ажилтнууд цахимаар холбогдон санал бодлоо чөлөөтэй солилцох аж.
Мөн жендерийн эрх тэгш байдал- Орон нутагт, Олон улсад Монголд гэсэн 3 чиглэлээр хэлэлцүүлэг өрнүүлэх бөгөөд МУИС-ийн Улс төрийн танхимын профессор, доктор Д.Бумдарь, Стратеги академийн захиралБ.Болорсайхан нар чиглүүлж, УИХ-ын гишүүн, МАН-ын Удирдах зөвлөлийн гишүүн Х.Булгантуяа, Н.Энхбаатар, Б.Тулга нар болон Гал голомт хөдөлгөөний тэргүүн, Жендерийн үндэсний хорооны гишүүн Д.Мөнхөө, Сэлэнгэ аймгийн ИТХ-ын дарга Б.Нарантуяа/цахимаар/ нар зочноор оролцож сонирхолтой түүх, туршлагаасаа хуваалцах юм байна. Хэлэлцүүлэг нэг өдөр үргэлжилнэ.
