Америкийн алдарт рэппер Кэни Уэст өнгөрсөн Баасан гарагт “Alo Mind Full” подкастад ярилцлага өгөх үеэр амьдралдаа ганц ч удаа ном уншиж байгаагүйгээ нийтэд дэлгэжээ.
“Би үнэндээ ганц ч ном уншиж байгаагүй. Миний хувьд ном унших нь Брюссель байцаа идэхтэй адил дургүй зүйл минь юм” гэж тэр ярьсан байна.
Харин уншихын оронд ярилцах нь түүний хамгийн дуртай зүйл гэнэ. “Ярилцах бол миний хувьд Жоржио Балдид эрдэнэшишийн равиоли зооглохтой адил сайхан зүйл” гэж Уэст хэлжээ.
Санта Моникад байдаг Жоржио Балди нь түүний үйлчлүүлэх дуртай ресторан байна.
Ном унших дургүй рэппер маань урт мессэж, сошиал постын зөвхөн эхний болон сүүлчийн өгүүлбэрийг л уншдаг тухайгаа энэ үеэр бас ярьжээ.
Уэст саяхан өөрийн хөрөнгө оруулалтаар Donda Academy нэртэй ерөнхий боловсролын сургуулийг байгуулж, талийгаач ээжийнхээ нэрээр нэрлэсэн юм.
Ярилцлагынхаа үеэр тэр сургалтын стандарт хөтөлбөрийг өөр шинэлэг хөтөлбөртэй хослуулах шаардлагатай байгаа талаар ярьсан байна.
“Бид хүүхдүүдийг өөртөө итгэлтэй хүн болгож хүмүүжүүлэх хөтөлбөрүүдийг нэмэх хэрэгтэй. Ирээдүйн удирдагчдад шаардлагатай ийм чанарыг ихэнх сургуулиуд хүүхдүүддээ эзэмшүүлэхгүй байна” гэж ном уншиж үзээгүй рэппер шүүмжлэн ярьжээ.
Эх сурвалж: USA Today