fbpx З.Төмөртөмөө: Есдүгээр сарын 25-нд болох автомашингүй өдөр спорт, урлагийн олон хөтөлбөр бий
 
Энэ мэдээ хуучирсан буюу 2022/09/22-нд нийтлэгдсэн мэдээ болно.
Ангилал
Нийгэм
Огноо
Унших
1 минут 18 секунд

З.Төмөртөмөө: Есдүгээр сарын 25-нд болох автомашингүй өдөр спорт, урлагийн олон хөтөлбөр бий

Автомашингүй өдрийг хэрхэн зохион байгуулах талаар мэдээлж байна.

2009 оноос хойш нийслэлд жил бүр автомашингүй өдрийг зохион байгуулсаар ирсэн. Энэ удаад "Эрсдэлгүй-Эрүүл орчныг хамтдаа" уриан дор есдүгээр сарын 25-нд зохион байгуулах гэж байна.

Нийслэлийн Засаг даргын орлогч З.Төмөртөмөө "Дэлхийн хотууд жил бүрийн есдүгээр сарын 22-ныг автомашингүй өдөр болгон зарласан байдаг. Манай улсын хувьд амралтын өдрийг сонгон автомашингүй өдрийг зохион байгуулна.

Нэг өдөр ч гэсэн автомашинаас татгалзаж, гэр бүлдээ цаг гаргах, явган алхах зэрэг эрүүл мэндийн талаас олон ач холбогдолтой.

Энэ жил маш олон арга хэмжээ зохион байгуулна. Автомашингүй өдрөөр явган алхдаг, дугуй унадаг гэх ойлголт байдаг бол энэ жил спортын олон арга хэмжээг зохион байгуулахаар төлөвлөсөн. Тухайлбал, шатрын тэмцээн, 3х3 сагсанбөмбөгийн тэмцээн, спортын төрлүүдийн үзүүлэх тоглолтууд болно" гэлээ.

Мөн энэ жил МУИС-ийн 80 жилийн ой тохиож байгаа тул дээрх өдөр марафон зохион байгуулах юм байна.

Тэгш, сондгойгоор зорчуулах эсэх саналыг ирэх сарын 5-н хүртэл авна
Тэгш, сондгойгоор зорчуулах эсэх саналыг ирэх сарын 5-н хүртэл авна
 
Монгол улсад нийлүүлдэг эрчим хүчний үнэ тарифаа ОХУ аравдугаар сарын нэгнээс эхлэн өсгөжээ
Монгол улсад нийлүүлдэг эрчим хүчний үнэ тарифаа ОХУ аравдугаар сарын нэгнээс эхлэн өсгөжээ
Энэ мэдээ хуучирсан буюу 2022/09/22-нд нийтлэгдсэн мэдээ болно.

Шинэ мэдээ