fbpx Умард Солонгос пуужин харваж, Япон улс “яаралтай хоргодох байранд орох”-ыг иргэддээ анхааруулав
 
Энэ мэдээ хуучирсан буюу 2022/10/04-нд нийтлэгдсэн мэдээ болно.
Ангилал
Дэлхий дахинд
Огноо
Унших
1 минут 50 секунд

Умард Солонгос пуужин харваж, Япон улс “яаралтай хоргодох байранд орох”-ыг иргэддээ анхааруулав

Өнөөдөр өглөө Японы засгийн газар “яаралтай хоргодох байранд орох”-ыг иргэддээ анхааруулсан нь ховор үзэгдэл байлаа.

Энэ нь Умард Солонгосын дэглэм тус улсын нутаг дэвсгэрийг чиглүүлэн пуужин харвасантай холбоотой түгшүүрийн дохио байв.

Орон нутгийн цагаар өглөөний 7:27 цагт Умард Солонгосын зүгээс пуужин харвасныг Японы ерөнхий сайдын алба сошиал хуудсандаа анх мэдээлжээ.

Үүнтэй зэрэгцэн Хоккайдо, Аомори мужийн иргэдэд аюулгүй газар толгой хоргодохыг албаныхан анхааруулсан байна.

Энэ үеэр бас Токио дахь АНУ-ын элчин сайдын яам нутаг нэгтнүүддээ анхаарал болгоомжтой байхыг зөвлөсөн юм.

Харин 15 минутын дараа пуужин Японы арлуудын дээгүүр өнгөрч, Номхон далайн усанд унасныг мэдээлжээ.

Сүүлийн 10 өдрийн дотор Умард Солонгос тав дахь пуужингаа туршсан нь энэ юм. Энэ онд тус улс нийтдээ 23 удаа баллистик болон бусад төрлийн пуужинг харваж, туршжээ.

Японы эрх баригчдын өнөөдөр зарласан түгшүүр сүүлийн таван жилийн хугацааны анхны тохиолдол юм байна.

Эх сурвалж: Business Insider

Рамзан Кадыров өсвөр насны хөвгүүдээ Украины фронтод илгээхээ амлажээ
Рамзан Кадыров өсвөр насны хөвгүүдээ Украины фронтод илгээхээ амлажээ
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ мэдээ хуучирсан буюу 2022/10/04-нд нийтлэгдсэн мэдээ болно.

Шинэ мэдээ