БНСУ-ын Засгийн газрын шийдвэрээр Монгол Улсын бүлэг жуулчид Яньян олон улсын нисэх онгоцны буудлаар дамжин 15 хүртэл хоног визгүй зорчих журам 2022 оны аравдугаар сарын 1-нээс хэрэгжиж эхлээд байна. Энэхүү нөхцөлөөр анхны аялагчид өчигдөр/2022.10.24/ тус улсыг зорьжээ.
ГХЯ-наас өгсөн мэдээллээр “Чингис хаан” олон улсын агаарын замын боомтоор БНСУ-ын Канвон мужийн чиглэлд ОМ7317 дүгээр аяллын суудлын онгоц нийт 147 зорчигчтой хөөрчээ. Зорчигчдын зургаа нь гадаад бол 141 нь монгол иргэн байсан гэв.
“МИАТ” ТӨХК 2023 оны тавдугаар сарын 31-ний өдрийг хүртэл Бямба гараг бүр Яньян чиглэлд нислэг үйлдэхээр төлөвлөжээ.
Энэхүү хөнгөлөлттэй нөхцөлөөр БНСУ-д визгүй зорчихдоо тус улсын нутаг дэвсгэрээс зөвшөөрсөн хугацаанд гараагүй хугацаа хэтрүүлсэн иргэдийн тоо зорчсон нийт иргэдийн тооноос 5% давсан тохиолдол уг шийдвэр цуцлагдагдах юм. Тиймээс бусдынхаа аялах боломжийг хязгаарлахгүй байхад анхаарч, тухайн улсын хууль дүрэм, журмыг зөрчихгүй, өндөр хариуцлагатай аялахыг уриаллаа.
