Өнгөрсөн долоо хоногт Хятадын Зэньжоу хот дахь Foxconn компанийн үйлдвэрт коронавирусийн халдвар дэгдэж, хөл хорионы хатуу дэглэм тогтоосон байна.
Хятадын төв бүсийн Хэнань мужид оршдог Тайванийн эзэмшлийн энэ үйлдвэр нь Apple компанийн гол бүтээгдэхүүн болох iPhone-ий ихэнх хэсгийг үйлдвэрлэдэг, 200,000 гаруй ажилчинтай юм.
Вирусийн дэгдэлтийг хязгаарлах зорилгоор үйлдвэрийн ажилчдыг дотуур байранд нь хорьж, гарахыг хориглосон. Гэвч нөхцөл байдал хүндэрч, хоол хүнсгүй болохоос айсан зарим ажилчид үйлдвэрээс оргож буйг Хятадын сошиал сүлжээнд тарсан зураг, дүрснүүд харуулж байна.
Workers have broken out of #Apple’s largest assembly site, escaping the Zero #Covid lockdown at Foxconn in #Zhengzhou. After sneaking out, they’re walking to home towns more than 100 kilometres away to beat the Covid app measures designed to control people and stop this. #China pic.twitter.com/NHjOjclAyU
— Stephen McDonell (@StephenMcDonell) October 30, 2022
Ажилчид халдвартай бүсээс оргосон тул нийтийн тээврийн хэрэгсэл үйлчлэхгүй байгаа гэнэ. Тиймээс тэд өөр өөрийн төрөлх хот тосгод руу явган алхаж эхэлжээ.
Зэньжоу орчмын хот суурингууд үйлдвэрийн ажилчдыг ирэхэд нь тусгаарлахаар бэлдэж эхэлсэн тухай эх сурвалжууд мэдээлж байна.
Hundreds of Foxconn employees are believed to have fled the factory in China's central province of Henan. It comes after workers raised concerns about insufficient medical care and under-reported COVID infections put them at high risk.pic.twitter.com/8XBZa4eGc3
— Bang Xiao 萧邦 (@BangXiao_) October 30, 2022
Ням гарагт гаргасан мэдэгдэлдээ Foxconn үйлдвэрийн захиргаа “Гэртээ харихыг хүссэн зарим ажилчдыг зорьсон газарт нь тээвэрлэн хүргэх ажлыг орон нутгийн эрх баригчидтай хамтран зохион байгуулахаар боллоо” гэжээ.
Мөн үйлдвэр доторх халдварын нөхцөл байдал тогтворжиж, ажилчдын хоол хүнсний хангамж хэвийн байгааг мэдээлсэн байна.
Одоогоос бараг гурван жилийн өмнө эхэлсэн коронавирусийн цар тахал Хятадад одоо болтол үргэлжилж, эрх баригчид “тэг ковид” хатуу бодлогоо баримталсан хэвээр байгаа. Энэ байдал Хятадын иргэдийг бухимдуулж, засгийн газрынхаа бодлого, үйл ажиллагааг эсэргүүцэх, зөрчих үзэгдэл нэмэгдэж байгаагийн нэг илрэл Зэньжоугийн үйлдвэрт өрнөж буй үйл явдал юм.
Хорио цээрийн дэглэмээс залхсан олон хүн энэ оны сүүлээр эрх баригчид “тэг ковид” бодлогоо цуцлах байх гэсэн хүлээлттэй байв. Гэвч саяхан болж өнгөрсөн Коммунист Намын их хурлын үеэр тус улсын удирдагч Ши Жиньпин цар тахалтай тэмцэх хатуу бодлогоо мөд сулруулахгүйг тодорхой илэрхийлсэн юм.
Эх сурвалж: BBC
