Даваа гарагт Шанхай хотод вирусийн дэгдэлттэй холбоотой гэнэтийн хөл хорио тогтоосны улмаас Диснейлэнд зугаа цэнгээний төвд үйлчлүүлж байсан олон мянган хүн хоригджээ.
Парк руу хүн нэмж оруулахгүй, бас гаргахгүй болсон байна. Үйлчлүүлэгчдэд зөвхөн шинжилгээний хариу нь сөрөг гарсан тохиолдолд гарахыг зөвшөөрөх тухай хотын захиргаанаас мэдэгджээ.
Бас аравдугаар сарын 27-ноос хойш Диснейлэндэд үйлчлүүлсэн бүх хүн гурван өдрийн дотор гурван удаа шинжилгээ өгөх шаардлагатайг анхааруулсан байна.
Диснейлэндийн захиргаа хоригдсон хүмүүст үйлчилгээгээ үргэлжлүүлэн үзүүлэхээ мэдэгджээ.
Тус парк Бямба гарагаас эхлэн хязгаарлагдмал хүрээнд үйл ажиллагаагаа нээгээд байсан юм.
Ням гарагт Шанхай хотод коронавирусийн халдварын 10 тохиолдол шинээр бүртгэгдэж байв. Тэдгээр нь бүгд шинж тэмдэггүй халдварын тохиолдлууд болохыг албаныхан мэдээлсэн юм.
Өнгөрсөн оны арваннэгдүгээр сард Шанхайн Диснейлэнд дотроо 30 гаруй мянган үйлчлүүлэгчтэй хоёр хоног хаагдаж байв.
Хятадын эрх баригчид цар тахалтай тэмцэх “тэг ковид” хатуу бодлогыг тууштай хэрэгжүүлж, халдварын шинэ тохиолдол илрэх бүрд гэнэтийн хөл хориог хэсэгчилсэн хүрээнд болон бүхэл бүтэн хотын хүрээнд тогтоосоор байна.
Эх сурвалж: BBC