УИХ-ын чуулганы нэгдсэн хуралдаанаар Намрын ургац хураалт болон өвөлжилтийн бэлтгэл хангах чиглэлээр авч хэрэгжүүлж байгаа арга хэмжээний талаар мэдээлэл сонсож байна.
Энэ үеэр УИХ-ын гишүүн Н.Ганибал орон нутагт дизель түлш тасалдсан талаар асуулт асуув. Тэрбээр "Зүүн бүсэд цас орж байна. Малчид шатахууны хомсдолд ороод нүүж чадахгүй байна. Хадсан хэдэн өвсөө борлуулах гээд түлш олдохгүй байгаа. Магадгүй тав хоногийн дараа махны үнэ өснө. Махыг зөөдөг бүх тээврийн хэрэгсэл дизель түлшээр явж байгааг тооцсон уу" гэлээ.
Түүний асуултад ХХААХҮ-ийн сайд Х.Болорчулуун "ОХУ-ын Москва хотноо энэ сарын 14, 15-ны өдрүүдэд Монгол, Оросын худалдаа, эдийн засаг, шинжлэх ухаан, техникийн хамтын ажиллагааны Засгийн газар хоорондын комиссын ээлжит XXIV хуралдаан болсон. Энэ үеэр шатахууны асуудал ярьсан уу гэж асуулаа.
Уул уурхай, хүнд үйлдвэрийн сайд Ж.Ганбаатар тус хурлын үеэр шатахууны асуудлыг тавьсан. ОХУ-аас нийлүүлж буй шатахууны нийлүүлэлт багасаж байгаа. Тиймээс цаашид шатахууны нийлүүлэлтийг нэмэгдүүлэх асуудлыг тус хуралдаанаар ярьсан. Нэмэгдүүлье гэж амласан" гэсэн юм.
