fbpx С.Энхболд: Энэ оны сүүлч, ирэх оны эхний улиралд цар тахлын шинэ давлагаа үүсэх эрсдэл байна
 
Ангилал
Улс төр Шуурхай онцлов
Огноо
Унших
2 минут 37 секунд

С.Энхболд: Энэ оны сүүлч, ирэх оны эхний улиралд цар тахлын шинэ давлагаа үүсэх эрсдэл байна

Улсын Онцгой комиссын тавдугаар өргөтгөсөн хуралдаан Төрийн ордонд болж байна. Хуралдаанаар Эрүүл мэндийн сайд С.Энхболд эрүүл мэндийн салбарын бэлэн байдал, авч хэрэгжүүлж буй арга хэмжээний талаар мэдээлэл өглөө.

Тэрбээр “2022 оны эцэс, 2023 оны эхний улиралд цар тахлын шинэ давлагаа үүсэх, томуу, томуу төст өвчлөл нэмэгдэх эрсдэл байна. 2022 оны арваннэгдүгээр сарын 14-20-ны өдрүүдэд коронавируст халдварын нийт 1,855 шинэ тохиолдол бүртгэгдсэн нь өмнөх долоо хоногтой харьцуулахад өссөн байна. Улсын хэмжээнд KОВИД-19 халдвараар хэвтэн эмчлүүлж буй 637 өвчтөн байгаагаас нийслэлд 453, орон нутагт 184 иргэн байна. 2022 оны 47 дугаар долоо хоног буюу өнгөрсөн долоо хоногт Улаанбаатар хотод 885, аймаг орон нутагт 970 тохиолдол бүртгэгдсэн.

Томуу томуу төст өвчний нөхцөл байдалтай холбоотойгоор улсын хэмжээнд 3,750 орыг дэлгэснээс 1,925 ор нь Улаанбаатар хотод дэлгэн ажиллуулж байгаас өнөөдрийн байдлаар 1,093 орон дээр өвчтөн хэвтэн эмчлүүлж байна.

Улсын хэмжээнд томуу, томуу төст өвчин идэвхжилийн түвшинд байна. Тус өвчнийг улирал хооронд, идэвхжилийн түвшин, алаг цоог, аймгийн түвшин, цар тахлын түвшин гэж таван үе шатад ангилдаг. Идэвхжилтийн түвшинд 15 аймаг, улирал хоорондын түвшинд хоёр аймаг, алаг цоог дэгдэлтийн түвшинд дөрвөн аймаг тус тус байна. Өмнөх долоо хоногтой харьцуулахад Дархан-Уул аймаг идэвхжилийн түвшнээс улирал хоорондын түвшин, Хэнтий аймаг алаг цоог түвшнээс идэвхжилтийн түвшин рүү буурсан бол Дорнод аймаг идэвхжилийн түвшнээс алаг цоог түвшин рүү шилжсэн байна" гэв.

Түүнчлэн томуу, томуу төст өвчний ид дэгдэлтийн үе нь 12 болон нэгдүгээр сар байдаг. Энэ үед бид БШУЯ-тай хамтран ЕБС-ийн хүүхдийн амралтыг арванхоёрдугаар 16-аас эхлэн 2023 оны нэгдүгээр сарын 27-ны өдрийг хүртэл амрах зохицуулалт хийсэн. Томуу, томуу төст өвчний амбулаторийн нийт үзлэгийн 9.1 хувийг эзэлж байгаа нь өмнөх долоо хоногтой харьцуулахад 0.5 хувиар бага байна гэдгийг хэллээ.

Төрийн болон орон нутгийн өмчит хуулийн этгээдийн ангиллыг шинэчлэх хуулийг өргөн барив
Төрийн болон орон нутгийн өмчит хуулийн этгээдийн ангиллыг шинэчлэх хуулийг өргөн барив
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Сэтгэгдэл (4)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Шинэ мэдээ