fbpx Мексикийн боксчин Аргентины хөл бөмбөгийн од Мессид анхааруулга өгчээ
 
Энэ мэдээ хуучирсан буюу 2022/11/29-нд нийтлэгдсэн мэдээ болно.
Ангилал
Дэлхий дахинд Шуугианы эзэд
Огноо
Унших
2 минут 34 секунд

Мексикийн боксчин Аргентины хөл бөмбөгийн од Мессид анхааруулга өгчээ

Бямба гарагт ДАШТ-ий C хэсгийн хоёр дахь ээлжийн тоглолтод Аргентины шигшээ баг Мексикийн шигшээ багийг 2:0 харьцаатай хожсон билээ.

Эхний гоолыг дэлхийн хөл бөмбөгийн од Лионел Месси өрсөлдөгчийнхөө хаалганд оруулсан юм. Тоглолтын дараа хувцас солих өрөөний шалан дээр хэвтэж байсан Мексикийн тоглогчийн өмсгөлийг Месси өшиглөж байгааг харуулсан дүрс бичлэг сошиал орчинд таржээ.

Месси санаатай өшиглөөгүй, өмсгөл хөлд нь тээглэснээс ийм үйлдэл гаргасныг тодорхой харж болохоор байв.

Гэвч энэ үйлдэл Мексикийн зарим иргэдийг бухимдуулсан байна.

Тухайлбал тус улсын алдартай боксчин Саул “Канело” Алварез сошиал хуудсаараа дамжуулан Мессид хатуу анхааруулга өгчээ.

“Манай төрийн далбаатай өмсгөлөөр Месси шал арчиж байгааг та нар харав уу? Тэр намайг өөртэй нь битгий уулзуулаасай гэж бурханд залбирах хэрэгтэй. Би Аргентиныг хүндэлдэг шиг тэр ч бас Мексикийг хүндлэх ёстой. Би энэ улсыг бүхэлд нь хэлээгүй байна. Зөвхөн Мессигийн хийсэн зүйлийн талаар ярьж байна” гэж тэр бичсэн байна.

Алварез нь боксын дөрвөн өөр жинд дэлхийн аваргын медаль зүүж байсан Мексикийн алдартай боксчдын нэг юм.

“Тэд хөл бөмбөгөөр биднээс илүү байх нь нэг хэрэг. Манай орныг хүндлэх нь үүнээс тусдаа хэрэг” гэж тэр нэг сэтгүүлчийн асуултад хариулжээ.

Аргентины шигшээ багийн тоглогч асан Сержио Агуэро твиттер хуудсаараа дамжуулан Алварезт хариу бичсэн байна. “Ноён Канело, асуудал үүсгэх хэрэггүй. Та хөл бөмбөгийн талаар, хувцас солих өрөөнд юу болдог талаар сайн мэддэггүй бололтой. Тоглолтын дараа бид хөлстэй өмсгөлөө үргэлж шалан дээр хаядаг. Тэр хөлд нь санамсаргүй орооцолдсон өмсгөлийг холдуулж байгааг дүрс бичлэгээс тодорхой харж болохоор байна” гэж Агуэро тайлбарлажээ.

Аргентины шигшээ баг хэсгийн сүүлчийн тоглолтоо Лхагва гарагт Польшийн багтай хийх юм. Эхний тоглолтдоо Саудын Арабын багт хожигдож дуулиан тарьсан аргентинчууд энэ тоглолтоор хасагдах шатанд өрсөлдөх эсэхээ шийднэ.

Эх сурвалж: CNN

Байгалийн хийн хоолойн төслийг Хятадын тал анх удаа албан ёсоор баталгаажууллаа
Байгалийн хийн хоолойн төслийг Хятадын тал анх удаа албан ёсоор баталгаажууллаа
 
Эмэгтэйчүүд квоттой болчихвол эрчүүд хожно
Эмэгтэйчүүд квоттой болчихвол эрчүүд хожно
Энэ мэдээ хуучирсан буюу 2022/11/29-нд нийтлэгдсэн мэдээ болно.

Шинэ мэдээ

 
 
 
Х.Нямбаатар: Ерөнхийлөгчийн хоригийг хүлээж авахгүй гэж кноп дарна
Олон нийтийн сүлжээнд хүний эрхийг хамгаалах тухай хуульд Ерөнхийлөгч бүхэлд нь хориг тавьсан. Энэ асуудлаар Хууль зүй, дотоод хэргийн сайд Х.Нямбаатар байр сууриа илэрхийлэв. Тэрбээр