Бямба гарагийн шөнө ар гэрт нь зэвсэглэсэн этгээдүүд халдсан тухай мэдээ хүлээж авсны дараа Английн шигшээ багийн довтлогч Рахим Стерлинг ДАШТ-ийг орхин явжээ.
Тэрбээр ийм шалтгаанаар өчигдөр орой шөвгийн 16-ын шатанд Англи-Сенегалын хооронд болсон тоглолтод оролцож чадаагүй байна.
Бямба гарагт болох Францын шигшээгийн эсрэг тоглолтод оролцож чадах эсэх нь бас тодорхойгүй байгаа ажээ.
Хүүхдүүдийнхээ аюулгүй байдалд санаа зовсон Стерлингт “шаардлагатай хугацаагаараа явах” боломж олгосноо Английн багийн дасгалжуулагч Гарет Соутгэйт ярьсан байна.
“Гэр бүлийнхэнтэйгээ хамт байх шаардлагатай байгаа ийм үед нь би түүнийг хэзээ буцаж ирэх талаар ярьж чадахгүй нь. Би түүнийг ямар нэг байдлаар шахмааргүй байна. Заримдаа хөл бөмбөг хоёрдугаарт, гэр бүл нэгдүгээрт тавигдах үе ирдэг юм” гэж тэр сэтгүүлчдэд ярьжээ.
Английн шигшээ багийн ахлагч Харри Кэйн хамтрагчийнх нь ар гэрт үүссэн асуудалд санаа зовж байгаагаа илэрхийлээд Рахим болон түүний гэр бүлд хамгийн сайн сайхныг хүссэн байна.
Эх сурвалж: The Guardian
