Монгол бөхийн өргөөг тойрсон хэрүүл шуугиан тасрахгүй байгаа. Ямар сайндаа нэгэн үе зүлэг ногоон дэвжээг донсолгож, ард түмнийг цэнгүүлж байсан Дархан аварга Ж.Мөнхбат таалал төгссөн гунигт өдөр хамт хүч үзэж явсан Х.Баянмөнх аварга хүртэл эрх мэдэл, суудал булаацалдан шуугиан тарьж явсан. Монгол бөхийн өргөөг тойрсон хэрүүл тэмцэлд хийморь сайхан өргөө маань бөхийн өргөө биш зодоон цохионы талбай ч болоод амжлаа.
Түүгээр зогсохгүй бөхийн өргөөний үйл ажиллагааг зогсоосон шийдвэр нь тус газар төлөвлөгдөөд байсан бөхийн барилдаанууд болон урлаг соёлын олон арга хэмжээ цуцлагдахад хүрээд байна. Сонсогч олондоо уран бүтээлийнхээ тайлан тоглолтыг хүргэхээр олон өдрийн реклам сурталчилгаа гаргахаас эхлүүлээд бэлтгэл ажлуудыг хийсэн байдаг нь уран бүтээлчдэд хохиролтой байдаг .
Ганц уран бүтээлчид гэлтгүй давхар ард түмэн хохирч байгаа юм. Жишээ нь: Монгол бөхийн өргөөнд тоглогдох байсан Дуучин Б.Батболд , П.Идэржавхлан нарын уран бүтээлийн цэнгүүн цуцлагдаж Монголын Үйлдвэрчний Эвлэлийн Соёлын ордонд тоглосон. Мөн үзэгчдийн дунд ихэд хүлээлттэй байсан Дуучин О.Гансувдын “ Миний ээж хөөрхөн” уран бүтээлийн тайлан тоглолт өнөөдөр байсан бол цуцлагдаж 05 сарын 02 ны өдөр UB PALACE- ийн концертийн их танхимд тоглогдохоор болжээ. .
Үүний үр дүнд монголын ард түмний хандиваар боссон бөхийн өргөө урлаг соёлын биет бус өвийг ард түмэнд дамжуулан хүргэх ёстой атал хэсэг бүлэг хүмүүсийн ашиг сонирхолын зөрчлөөс болж үйл ажиллагаа тасалдахад хүрсэн нь туйлын харамсалтай ....
Шуурхай.мн
