Газар нутагт нь Оросын цэрэг халдан довтолсон өдрөөс хойш анх удаа Украины ерөнхийлөгч Володимир Зеленский гадаад оронд айлчилж байна.

Тэрбээр өчигдөр АНУ-ын нийслэл Вашингтон хотод хүрэлцэн очиж, Цагаан ордонд ерөнхийлөгч Жо Байдентай уулзжээ.

Энэ үеэр Зеленский эзлэн түрэмгийлэгчдээс эх орноо хамгаалахад нь туслан дэмжиж буй АНУ-ын засаг захиргаанд талархал илэрхийлж, Украины армийн офицерын медалийг Байденд дамжуулж өгсөн юм.

АНУ-аас нийлүүлсэн HIMARS пуужингийн артиллерын системийг хариуцдаг офицер өөрийн медалийг Байденд дамжуулж өгөхийг хүссэн ажээ.

“Байлдааны гавьяаны загалмай” медалийг Зеленскийгээс хүлээж авсан Байден “Ийм хүндлэл хүлээх нь зохимжгүй боловч маш их талархаж байна” гэж хэлээд медалиа дамжуулсан офицерын нэрийг асууж, түүнтэй холбоо барихаа амласан байна.

Энэ удаагийн айлчлалаараа Зеленский АНУ-ын хэд хэдэн өндөр албан тушаалтнуудтай уулзаж, өнөөдөр буюу Пүрэв гарагт конгрессын нэгдсэн чуулганд үг хэлэх юм.

Айлчлалын үеэр ерөнхийлөгч Жо Байден нэмэлт $1.85 тэрбумын зэр зэвсгийн тусламжийг Украинд үзүүлэхээр болсныг зарлажээ.

Энэ багцад нь удаан яригдаж буй Patriot агаарын довтолгооноос хамгаалах систем багтсан байна.

Ukraine's President Volodymyr Zelenskyy presents Pres. Biden with a medal of merit from captain in the Ukrainian military.

“Undeserved but much appreciated, thank you,” Biden says. https://t.co/y7b2euWhWY pic.twitter.com/Q11yUaFDAg

— ABC News (@ABC) December 21, 2022

Эх сурвалж: Reuters